RCLM Baucau (16/06/2026)—Estadu Timor Leste hamutuk ho Governu Australia Aid, lansa ona programa hadia seguransa bee ba rezilensia klimatika no dezastre iha Timor Leste, ne’ebe sei implementa husi Word Vision, Care Internasional, Nongovernamental inklui sosiaddade sivil iha Munisipiu Baucau.
Reprejentante diretur Word Vision Timor Leste Humbelino Pereira hateten, programa ne’e nia objetivo hakarak atu hametin seguransa bee nian sai hanesasn fundasaun ba rezilensia, inkluziva ba klima no dezastre partikularmente komunidade iha area rural, ne’ebe afeitadu bebeik husi variavelidade klimatika no dazafiu ambiente oin-oin.
Nia afirma Timor Leste no Australia ba rezilensia sei fornese rejultadu progarama tolu importante, ne’ebe sei reformsa malu.
“Primeiru hadia seguransa bee no adaptasaun mudansa klimatika iha komunidade tarjetu sira, segundu haforsa governasaun local influernsia no foti desizaun ba rezilensia komunidade nian, no terseiru hasai involvementu advokasia ba rezilensia klimatika husi nivel local to’o Nasional”. Dehan Reprejentante Diretur Jeral Word Vision iha aktividade waorkshop ne’ebe raliza iha salaun Apuramentu Tersa, 16/06/2026
Reprejentante actual diretora servisu Munisipal Agua Saniamentu no Ambiente Norberta da Costa hateten, agradese tebes ba governu tamba bele lori programa Timor Leste Australia ba rezilensia iha Munisipiu Baucau, liu liu kona ba mudansa klimatika hodi kontibui ba programa longu prazu nian.
“Programa ne’e bele hamenus vulnerabilidade iha Munisipiu Baucau liu liu ba risku klimatiku no dezastre, inklui haforsa komunidade nia kapasidade adaptativu”. Hatete Norberta
Partisipante ne’ebe partisipa iha workshop ne’e mai husi Direkteros Lina Sekorais, Administrador Postu Administrative, Organizasaun Sosiadade Sivil, Agensia Internasional no Nasional, inklui xefe suku nain lima husi Postu Administrative Baguia, enkuantu programa ne’e implementa hahu iha fulan Abril tinan 2026 to’o fulan outubru tinan 2029.
Ekipa Kobertura : RCLM Baucau
