RCLM Baucau (31/07/2026)—Hahu husi fulan abril to’o mai iha fulan junho tinan ne’e, dirasaun Munisipal Konservatoriu Servisu Rejistu Notariadu Baucau rekolla taxa hamutuk rihun rua nolu resin sia dolares lima nolu ($ 29.000,50) ba kofre estadu.
Diretora Dirasaun Konservatoriu Servisu Rejistu Notariadu Baucau Justinha das Neves Mendonça hateten, durante fulan tolu nia laran sidadaun ne’ebe mak trata pasaporte hamutuk 556, kompostu husi mane hamutuk 317 feto hamutuk 239.
Diretora hatutan, kriteria ba pasaporte iha kriteria Urujente, ladun urujente inklui ema ne’ebe trata semana ida nian.
“Pasaporte ne’e ho ninia kategoria urujente ne’e iha cen dolares, sira ne’ebe la dun urujente iha 75 dolares no 50 dalres duransau ba semana rua nian”. Dehan Diretora Justinha das Neves Mendonça ba jornalista RCLM Quinta, 30/07/2026
Justinha akresenta Notariadu Baucau kontinua halo atendimentu ba komunidade sira ne’ebe mak atu pasaporte tuir orariu Nasional nian, kada semana ida atendimentu pasaporte dala ida.
“Kona ba orariu atendimentu Pasaporte ita nafatin la’o tuir orariu nasional, tamba pasaporte ne’e nasional nian, tamba ne’e mak ita halo atendimentu ba pasaporte ne’e semana ida dala ida”. Hatete Justinha
Atendimentu pasaporte ba fulan augustu nian tempu besik sei taka sai orariu hein husi Nasional.
Ekipa Kobertura : RCLM
