RCLM Baucau (15/05/2026)—Iha primeiru interogatoriu ba kazu oho matebian Vincen Fernandes iha Aldeia Poros Suku Mehara, postu Administrativu Tutuala Munisipiu Lautem foin lalais ne’e, parte Tribunál Judisiariu Primeiru Instancia Baucau, aplika pena prizaun preventiva ba arguidu Membru F-FDTL ida ho inisial GDS, LR, no MDS, enkuantu Tribunal aplika aprejentasaun periodika ba arguidu nain lima ho inisial AF, MG, LP, NF, RF no nain rua seluk ho inisial LDG no MB, Tribunal aplika termu identidade rezidensia.
Defensor Publiku Munisipiu Baucau Jose de Lima hateten, natureza krime ne’ebe Ministeriu Publiku imputa ba arguidu nain sanolu liu liu ba arguidu nain tolu ne’ebe autor prinsipal mak, ho krime hat hanesan omesidiu agravado, Danu Simples, Ofensas integridade simples, no Danu konviolensia ne’ebe previstu iha Kodigu Penal Timor Leste.
“Ba iha natureza krime ne’ebe maka imputa ba sira liu ba nain 3 maka iha krime hat, mak mosu ne’eba hanesan krime omesidiu agravadu iha artigu 139 KP ninia, pena ne’e 12 ate 25 anos, ida fali danu simples 259 KP, ofensas integridade simples 145 KP, ida tan mos danu konviolensia 260 KP ida ne’e maka tuir formasaun Ministeriu Publiku nian, ne’ebe mak krime ne’ebe imputa ba sira nain 10 liu liu sira nain 3 ne’ebe mak tama prizaun preventive, maibe sei iha faze de primeiru interogatoriu despaisu ne’ebe mak hatun sei medida kuasaun”. Dehan Defensor Publiku Jose de Lima ba jornalista sira iha nia kna’ar fatin Quinta, 14/06/2026
Jose Delima hatutan, parte familia arguidu tolu nian husu defeza atu halo rekursu fila fali Tribunál.
“Familia sira kolia ona ho hau ate adata, familia sei kontaktu sira hakarak atu hasoru hau atu kolia atu halo diskusaun oituan kona ba oinsa atu halo preparasaun ba rekursu, liu liu sira nain tolu ne’ebe maka tama prizaun preventive, maibe sira nain lima no nain 2 seluk mantein tir, nain lima ne’e aprezentasaun periodika para atu asesgura Ministeriu Publiku atu halo investigasaun ne’ebe familia preokupa i nain 3 ne’e maka familia tenta para atu halo rekursu”. Hatete de lima
Durante julgamentu arguidu sira kopera diak ho parte Tribunal no seguransa to’o desizaun remat, enkuantu depois desizaun husi Tribunal Judisiariu Primeiru Instansia Baucau arguidu nain tolu parte seguransa lori kedas ba iha prizaun Bekora, hodi kompri prizaun preventiva.
Iha primeiru interogatoriu ba kazu ne’e, prezide husi Juiza Maria Modesta Viera, reprejentante husi Ministeriu Publiku Osorio Dias, no arguidu sira hetan defeza husi defensor publiku Jose de Lima.
Ekipa Kobertura : RCLM Baucau
