RCLM Baucau (24/07/2026)—Diretor Sekretariadu Tekniku Administrasaun Elitoral Munisipiu Baucau Natividade Freitas Guterres rekoñese, ekipamentus hanesan Ribon no Transfere filme stock hotu hahu husi fulan Fevereiru to’o mai iha fulan jullu tinan ne’e stock hotu, tamba ne’e Stae Baucau seidauk halo imprime Blanku eitoral orijinal ba sidadaun sira.
Natividade hatutan maske Stae hasoru difikuldades, maibe kontinua halo atendimentu ba sidadaun sira hodi hein material, hafoin imprime blanku orizinal ba sidadaun sira.
“Ita hotu hatene kata iha fulan rua tolu nia laran ita nia stok ribon ho transfere filme ne hotu, maibe atendimentu la’o nafatin tuir informasaun ne’ebe ami rona husi nasional katak material sira ne’e agora iha ona ro laran hein atu hasai kompaña ne’ebe manan, sei entrega ba Stae no sei transfere ba kada Munisipiu hodi halo atendimentu, informasaun neebe sai dehan katak ami mak baruk atende ne’e hau hanoin la los, maibe sira hare liu material ne’ebe la iha ne’e sira lakohi hare, wainhira ami halo fali atendimentu to’o kalan boot madruga mak ami fila ida ne’e sira la kestiona, maibe realidade material mak la iha duni”. Dehan Natividade Freitas ba jornlaista RCLM iha nia knar fatin Quinta, 23/07/2026
Diretur STAE Baucau husu ba sidadaun sira atu pasensia hein, tamba material dadaun ne’e iha ona portu Dili no tempu badak sei halo tendimentu ba sidadaun sira.
“Bazeia ba spekulasan ne’ebe mak iha, hau husu ladun kompriende karik bele mai para ami esplika ba sira tamba sa mak buat sira ne’e mai tarde tamba ita nia aprovizionamentu foin dadauk ne’e lao tarde osan mai tarde, antaun ita nia prosesu tenderizasaun mos tarde maibe labele laran taridu ita nia material sira ne’e iha ona Portu Dili, tuir informasaun katak semana oin material sira ne’e to’o ita bele halo atendimentu i hau mos husu deskulpa ba buat ne’ebe tarde ne’e, maibe buat ne’ebe mak la los bele mai Stae para bele splika ba malu ami iha ne’e atu atende ita boot sira”. Hatete Natividade
Entertantu sidadaun Marcos Fernades Freitas husu ba Estadu no Governu Timor Leste, atu solusiona lalais problema ne’ebe STAE Infrenta hodi bele atende komunidade sira sira ho lalais.
“Hau mai ne’e renova eleitoral tamba eleitoral tuan ona, maibe konfirma sira dehan blanku ne’e mak mai tarde uituan, ne’ebe ami husi estadu se bele karik atende lalais buat sira ne’e tamba sira fo kertas orsida ami lori ba udan bee kona se lae dokumentus balun sena orsida at tiha, tamba nee husu estadu atende lalais dokumentus sira ne’e tamba importante ba ami “. Dehan Marcos
Sidadaun Milenia Roma da Costa reforsa, bainhira STAE faselita deit privizoriu sei fo impaktu tamba fasil les no estraga bainhira bee kona.
“Ohin mai ne’e aktualiza eliteoral atu trata ba dokumentus eskola nian, maibe sei provizoriu ne’e fo impaktu tamba udan kona bele at lalais husu para lalais lori blanku orijinal para faselita ami”. Hatete Milania
Tuir dadaus statestika total elitores iha Munisipiu Baucau hamutuk rihun atus ida ualu resin, enkuantu sidadaun ne’ebe mak trata ona Biometriku hamutuk rihun hat nolu resin tolu resin.
EKipa Kobertura : RCLM
