RCLM (20-04-2026)—Autoridade Munisipál hala’o misa agradesementu hodi komemora loron fundasaun Baucau ba dala-167, padre Selebrante Aderito Victor da Costa husu Baucau oan hamutuk hodi kontribui ba dezenvolvimentu.
Padre Aderito iha nia homilia hateten, liu husi misa agradesementu ba Maromak tamba, iha tinan 167 liu ba liu husi tulun Maromak nia ba vizavo, avo sira firme ho Autoridade funda rai Baucau.
Atual Diretór Kasa Saleziana Baucau vila afima, liu husi Maromak nia bensaun ba sarani ho di’ak no nafatin sai responsabilidade ho karakter forte, profundu hodi lori dezenvolvimentu ba rai iha Munisípiu Baucau.
“Misaun hri’i iha tinan 167 liu ba ohin ita kontinua ho orgullu hanesan nasaun ida forte forte maibe dalawain iha kekurangan barak ita bele hadi’a no ita hotu halo, esforsu boot atu kontribui no partilla (aprender buscar o alimentu que não serteram mas que permanese ate a vida eterna) oinsá ita tau ida ne’e iha prátika, tamba ne’e ita avansa ba oin tenke unidus kontribui ba paz estabilidade,” hateten padre Aderito iha Igreja katedral vila Antiga segunda ne’e.
Padre selebrante ne’e hatutan, hanesan sarani nafatin haklaken buat di’ak nu’udar autoridade no sidadaun, alende ne’e hanorin karakter ne’ebé justu hodi sai kontinudor.
“Hotu-hotu tenke partilla matenek ne’ebé ita iha ba, ita nia sosiedade atu forte ka metin ho karakter sidadaun hanesan São João Bosco nian,” nia apela.
Entertantu, ezersisiu atu lori dezenvolvimentu no progresu ba nasaun ema hotu tenke integradu no ho fuan no laran, neon badinas, sakrifisiu inklui pasénsia barak hodi atinji objetivu.
Misa agradesementu ne’e hola parte husi autoridade sivíl, seguransa,emprezariu Baucau oan, inklui funsionáriu Estadu, hafoin misa remata kontinua halo kovoiu husi Igreja katedral vila Antiga ba resintu Administrasaun Munisípál hodi halo diskursu husi Presidente Munisípál Kombatente Libertasaun Nasionál Cornelio Gama” L7″ no reprezentante sekretáriu estadu arte kultura, inklui mós animasaun múzika, drama no seluk tan. Antes ne’e autoridade Munisipiu Baucau mos hala’o atividade hanesan limpeza jerál, semináriu.
Selebrasaun aniversariu fundasaun Baucau ba dala -167 tinan ne’e (2026) ho tema “O Nosso Orgulhu, A Nossa Casa”.
Ekipa Kobertura : RCLM
