RCLM Baucau (20/04/2026)—Sabadu foin lalais ne’e, Prezidente Republika José Ramos Horta hamutuk ho Autoridade Munisipiu lansa ona fatuk dahuluk uma dignu ida, ba inan faluk Maria da Costa, tamba durante tinan 9 resin inan faluk Maria da Costa hela deit iha fatuk kuak, ne’ebe lokaliza iha area Badunau suku Bucoli Postu Administrativo Baucau Vila Munisipiu Baucau.
Prezidente Republika Timor Leste José Ramos Horta hateten, objetivo apoia uma mahon ne’e atu reforsa solidaridade sosial ba Vulneravel sira iha area rural.
Prezidente hatutan, promote ba inan faluk Maria da Costa, durante fulan 3 nian laran, uma refere prontu ona hodi entrega ba inan faluk Maria da Costa.
“Fulan tolu uma ne’e tenke pronto, kompostu husi Kaurtu rua, sala, Dapur inklui haris fatin no kioske ida, hodi ajuda sira faan, oinsa atu bele hetan osan hodi sustenta ba moria lor-loron”. Dehan Prezidente Republika antes atu lansa fatuk dahuluk ba Inan faluk Maria da Costa sabadu 18/04/2026.
Ramos Horta husu ba benifisiariu provizoriu hela iha familia nia uma, hodi hein uma mahon refere finaliza hodi enterag ba benifisiariu bele hela.
Entertantu uma mahon ne’ebe atu oferese ba benifisiaria Maria da Costa, ho nia medida 8 × 7 metru kuadradu kompostu kuartu rua, sala, dapur no saniamentu.
Ekipa kobertura : RCLM
