RCLM Baucau (18/05/2026)—Servisu Munisipal Agrikultura Pekuaria no Peskas Baucau, seida’uk distribui ai-moruk pestisida ba Postu Administrativu Baucau vila hodi kontinua distribui komunidade agrikultor sira ne’ebé kuda hare.
Xefe suku Caibada Cosme da Costa Lopes hateten, komunidade vontade halo natar maibe laiha ai-moruk pestesida, tamba ne’e Servisu Munisipal Agrikultura presiza distribui ba suku hodi asegura, hodi halo intervensaun sedu bainhira ular atake hare komunidade nian.
“Ami Autoridade propoin ba extensionista suku hato’o pedidu ba Munisipiu asegura pestisida nian iha suku, ita antisipa di’ak liu duke atake tiha (hare), ita labiban tamba ne’e Autoridade hakarak pestisida extensionista foti ona mai pesti atake ona hare ita lalais intervensaun,” Lideransa komunitaria husu Servisu Munisipal Agrikultura pekuaria no peskas.
Administradór Postu Administrativu Baucau Vila Aires Correia de Fátima konsidera, apoia ai-moruk pestisida bá komunidade agrikultor importante tebes, tamba halo prevensaun pesti lakataru bainhira atake hare ne’ebe kuda.
“To’o agora ai-moruk seida’uk iha Postu Baucau vila nia liman, hodi oferese ba ita nia Agrikultura sira iha area remotas, agora dadaun halo hela natar, ita husu ai-moruk ne’e tun lalais tamba, hare balun foin kuda, balun boot ona no balun tasak ona, entaun ita presiza tebes ai-moruk,” Autoridade Baucau vila afirma.
Enkuantu liga rekomendasau ne’e seidauk hetan konfirmasaun husi Diretor Servisu Munisipal Agrikultura Baucau, tamba laiha fatin servisu, maske nun’e jornalista sira tenta atu halo konfirmasaun ba xefe departamentu, maibe labele fó komentariu tamba presiza hetan autorizasaun husi Diretor.
Ekipa Kobertura : RCLM
