RCLM Baucau (28/07/2026)—Atividade husi Programa Nasionál Dezenvolvimentu Suku (PNDS) tinan 2026 iha suku Soba Postu Administrativu Laga Munisipiu Baucau, iha faze implementasaun.
Xefe Suku Soba Francisca Mónica de Fátima Soares hateten, atividade regular PNDS tinan ne’e suku Soba prioriza reabilita estrada rural husi aldeia Boleha liga ba aldeia Fati-Liri porvolta 4 kilometru ho tipiu sor betaun no dadaun ne’e nia progresu atinji 45%.
Lideransa komunitaria ne’e informa, Suku Soba tinan ne’e hetan mos projeitu adisional PNDS ida hodi konstrui sala refetoriu ba programa merenda escolar, ne’ebe implementa iha eskola ensinu Baziku Sentrál Soba ne’ebe hari’i iha aldeia Heu-Uai no dadaun ne’e progresu projeitu atinji 15 %.
“Ami garante to’o fulan dezembru tinan ne’e bele remata tanba, fornesedor lokál Soba nia oan sira rasik iha neba kontribui makás inklui komunidade,” dehan Xefe Suku Soba ba RCLM iha salaun apuramentu “Soi-Mali” Vila Nova tersa ne’e.
Orsamentu ne’ebe alokadu ba atividade PNDS no reabilita estrada ho motante $ 34,270.00, enkuantu konstrusaun refetoriu merenda eskola ho montante $ 30,467.42.
Ekipa Kobertura : RCLM
