RCLM Baucau (27/04/2026)—Tribunal Judisiariu Primeiru Instansia Baucau, halo alegasaunn ba tripulante estranjeiru Indonesia nain 32, ne’ebe halo peska ilegal iha tasi mane entre Watukarabau no Beaco, Munisipiu Viqueque, iha loron 17 fulan abril tinan ne’e, iha ne’ebe Ministeriu Publiku husu Tribunal atu akuza arguidu sira pena pulta besik rihun atus lima dolares amerikanu, tamba komete krime peska ilegal ne’ebe previstu iha artigu 219 kodigu penal Timor Leste.
Advogadu Privadu Jose Pedro Camõens hateten, iha alegasaun ne’e Ministeriu Publika akuza arguidu sira ho krime peska illegal, no husu ba Tribunal, atu aplika pena multa ba kada ema ida dolares amerikanu atus ida rua nolu ($ 120), ba loron atus ida inklui mos nain ba kompaña.
Tamba ne’e husu ba Tribunal atu foti desijaun ne’ebe loss ba arguidu sira, hodi fo justiç’ea nebe los ba ema ne’ebe komete erru ne’e, tamba defeze konsidera arguidu sira ne’e hanesan pasajen inosente iha Teritoriu Timor Leste.
“Ministeriu Publiku ne’e reprejenta estadu asuntu penal nian, ohin hau hare ne’e husu pedidu ne’e todan teb-tebes tamba saida nia husi sentu vinte dolares ba ema ida loron sem dias ita kalkula deit osan ne’e boot, ohin hau halo kalkula matematika ida ba kapitaun ne’e kuaze kuatru mil uitu sentus multa ba sira seluk ne’e posivel atu besik kuatru mil hotu, depois nia husu tan multa ba emrejariu ida antaun pedidu ne’e purvolta mil Quinetus US saida mak defesa halo ba sira mak importante Intendementu defeza ba sira hotu, sira mak halo passajen inosente iha Teritoriu Timor Leste ne’e ita nia lei tratadu lei Internasional ne’ebe Timor ratifika fo espasu ba barko hotu hotu”. Dehan advogadu privado Jose Camõens ba jornalista sira segunda 27/04/2026.
Advogadu ne’e hatutan, tuir lolos julgamentu ne’e, atu halo leitura desijaun ba argudu sira, maibe lakonsegue tamba, sei halo tradusaun ba dokumentus balun, iha ne’ebe Tribunal sei foti deisjaun iha loron 1 fulan maio tinan ne’e.
“Julgamentu ida ohin tuir lolos leitura ba sira atu tama prijaun, atu selu multa ou sira livre, felizmente desijaun ohin seidauk adia dala ida tan, tamba sa adia primeiru dokumentus sira halo tradusaun balun mai tan prokurador tenke fo hanoin konkorda dokumentus sira ne’e lai, advogadu submete dokumentus balun tan i tribunal presija, entaun audensia ohin ne’e ultimu ba sira apartir ohin sinku dias trubunal sei foti desijaun ba sira”.
Julgamentu ba kazu ne’e ho numeru Nuc.0024/2026 LASIK, alegasaun ne’e, prezide husi Juiza singular Maria Modesta Viara, Reprejentante husi Ministeriu Publiku Ambrosio Rangel Freitas no arguidu sira hetan defeza husi advogadu Jose Pedro Camões.
Ekipa Kobertura : RCLM
