RCLM Baucau (30/07/2026)—Dirasaun Munisipal Konservatoriu Servisu Rejistu Notariadu Baucau, infrenta problema menus Rekursu humanu hodi difikulta servisu atendimentu Publiku, tamba funsionariu nain sanolu resin hat deit, iha ne’ebe sidadaun sira sempre forma lina naruk bainhira trata dokumentu, hanesan Seridaun RDTL, Pasaporte, Bileti identidade no seluk tan.
Diretora Dirasaun Munisipal Konservatoriu Servisu Rejistu Notariadu Baucau Justinha das Neves Mendonça hateten, sidadaun sira sempre lamenta ho servisu atendiemntu publiku iha Notariadu, maibe la hamate espiritu vontade no pasensia hodi atende nafatin komunidade sira.
Relasiona ho menus rekursus Humanus parte Dirijente Notariadu Baucau hato’o pedidu ba iha dirasaun Nasional, hodi hein aprovasaun ba rekrutamentu funsionariu foun.
“Los duni ami nafatin halo planu nafatin hato’o ba iha nivel Nasional maibe ita sei hein karik bele aprova no iha autorizasaun aprova ita bele rekruta aumenta funsionariu, maibe kuandu rekursu ne’ebe iha ita halo jestaun atu nune’e ita bele nafatin atende ita nia komunidade sira, maske ita nia komunidade sira lamentasoens barak, maibe ne’e la hamate ami nia espiritu atu bele atende sira”. Dehan Diretora DMKSRN Baucau ba jornalista sira quinta, 30/07/2026
Abitante Postu Administrativo Baucau Vila Marcelino Fraga hateten, maske kolen maibe obrigadu nafatin forma iha lina naruk hodi trata sertidaun Nasimentu, atu kompleita ba oan sira nia dokumentus eskola nian.
“Maske forma kolen, maibe oan sira presija ita nia sertidaun, ita obriga tenke forma hodi trata sertidaun, maibe bele karik muda sistema uituan atu nunee bele ema labele forma lina naruk hadau malu fatin”. Hatete Marcelino
Alende de ida ne’e Dirasaun Munisipal Konservatoriu Servisu Rejistu Notariadu Baucau foin lalais ne’e, simu blanku sertidaun Moris Rezma Rua, maibe stock menus ona posibilidade bele hotu iha semana nee
Trimestre daruak Dirasaun Munisipal Konservatoriu Servisu Rejistu Notariadu Baucau, rejistu sertidaun Moris hamutuk rihun lima atus neen resin, Bileti Identidade hamutuk rihun ida atus hat resin no sidadaun ne’ebe trata pasaporte hamutuk nain atus lima, lima nolu resin neen (556).
Ekipa Kobertura : RCLM Baucau
