RCLM Baucau (13/05/2026)—Relasiona ho udan bo’ot ne’ebe akontese iha semana ne’e, halo korenti mota boot, hodi hakotu estrada iha area Basar-Uai Suku Hae-koni Postu Administrativo Baguia Munisipiu Baucau, nune difikulta ba transporte Publiku no privadu hodi halo movimentu, inklui populasaun labele ultrapasa bainhira korenti mota booot.
Abitante Mirando António Pereira hateten, sente triste tebes tamba dalan kotu hodi labele asesu transporte publiku, obrigadu lao ain hafoin asesu transporte Publiku.
Tamba ne’e husu ba IGE no Ministeriu Obras Publiku Munisipiu Baucau, emediatamente normaliza estrada referida hodi bele faselita komunidade sira lori produtu lokal ba iha merkadu.
“Bazeia ba dalan ne’ebe kotu ninia impaktu iha komunidade maka primeiru husi suku rua sa’e ba leten hanesan suku Osso-Huna no Afaloicai, Watukarabau sorin afeita tebes ba sira halo movimentu ba mai, liu liu sira nia produtu lokal sira ne’ebe iha atu lori ba merkadu difisil teb-tebes, inklui komunidade sira ne’ebe hela iha bairu refere bainhira sira kuandu halo movimentu ba mai hanesan liu-liu estudante sira ba eskola sira labele asesu tamba dalan ne’ebe mak kotu, entaun la iha dalan seluk ne’ebe mak sira atu liu atu ba eskla hodi simu materia, maibe ami mos halo ona dalan alternativu ba sira maibe laos ba tempu naruk, faselita estudante no profesores sira hodi ultrapasa atu hala’o prosesu aprendisagem”. Dehan abitante iha Baguia Ba jornlaista sira tersa, 12/05/2026.
Adjuntu Diretór EBC Osso-Huna Joaquim de Almeida da Conceição hateten, durante loron prosesu aprendisagem paradu tamba mota boot halo estudante sira labele ultrapasa.
“Bainhira dalan ne’e kotu ensinu aprendisagen mak para durante loron rua horseik no ohin professores no estudante iha liur deit labele atu liu entaun prosesu aprendisajen tenke para, tamba ne’e ami husu ba governu bele karik hadia ponte ne’e para ami estudante no profesores sira bele liu para ami nia ensinu aprendisagem la’o normal no komunidade mos liu hodi asesu merkadu”. Haktuir Joaquim
Estrada referida ligasaun husi Postu Baguia Vila ba Suku Hae-Koni, Osso-Huna, Afaloikai, inklui suku Uatukarabau.
Relasiona ho mota ne’ebe boot komunidade sira inisiativa hodi halo ponte tradisional provizoriu, oinsa bele faselita komunidade sira atu ultrapasa mota refere liu liu ba estudante no professores sira.
Ekipa Kobertura : RCLM
