RCLM Baucau (27/05/2026)—komunidade Musulamanu husi rai liur no rai laran ne’ebé iha ekonomia finanseiru fó apoiu solidariedade iha ámbitu selebrasaun Eid Al-Adha 1447 Hijrah 2026, ne’ebé realiza iha Mesquita Al Amal Vila Nova Baucau.
Prezidente CONISTIL (Kosellu Nasional Islamiku Timor-Leste) Munisipiu Baucau Syamsul Bahary Ribero hateten, kada tinan komunidade Musulmanu selebra loron bot rua hanesan Idul Fitri no Eid Al-Adha lahetan apoiu governu lokal no nasional, maibe kontribuisaun husi maluk musulmanu estrajeiru no iha rai laran ne’ebé iha kbi’it ekonomia.
“Husi Nasionál hau lahatene, ami Baucau seidauk hetan buat ruma 100% laiha iha loron boot hanesan ne’e komunidade Musulmanu husi rai liur haruka osan mai ami sosa karau, depois komunidade Musulmanu Baucau oan sira sosa bibi depois fahe malu, hau ko’alia jujur de’it governu laiha,” dehan Prezidente CONISTIL iha Masjid Al-Amal Baucau.
Nia esplika selebrasaun loron importante Eid Al- Adha, komunidade Musulmanu Baucau halibur hamutuk halo takbiran husi kalan to’o dadersan hafoin kontinua oho animal hodi fahe ba maluk Musulmanu husi Postu Administrativu sira.
“Atividade ami komesa hodi kalan ami komesa hala’o takbira hader to’o rai naroman no ohin dader sholat idul Adha hamutuk, hafoin remata kontinua oho animal karau no bibi hodi fahe ba komunidade,” dehan Syamsul Mesquita Al Amal Vila Nova Baucau kuarta ne’e.
Komunidade Feto Musulmana Munisipiu Baucau Mujaria Amaral sente kontente, tamba hamutuk ho feto maluk Musulmana sira husi Postu Administrativu konsentra hamutuk iha Masjid Al-Amal Baucau apoiu servisu konsumsi nian, maibe sente triste tamba lahetan kontribuisaun husi entidades estadu.
“Ami Musulmanu hola parte iha estadu ida ne’e, tamba ne’e se bele estadu bele fó kontribuisaun mai iha loron Idul Adha, duranten ne’e laiha kontribuisaun husi entidades estadu maibe ami nia maluk Musulmanu husi nasaun seluk mak fo kontribuisaun ba ami,” Mujaria kestiona.
Komisaun Organizador ba selebrasaun loron Idul Adha Munisipiu Baucau Amiro Soares relata, kontribuisaun ne’ebe maluk musulmanu sira oferese mak hanesan karau haat no bibi sia, hodi oho no fahe ba komunidade Musulamanu ne’ebé naran alista.
“Hewan kurban ne’ebé ohin oho hanesan karau 4 ekor no bibi 9 ekor no hewan kurban sira ne’e ami sei umat islam subdistritu ualu ne’ebé hola parte iha selebrasaun ldul Adha ne’e,” dehan Prezidente Komisaun Organizador loron Idul Adha.
Hakarak informa tuir dadus rejistradu husi CONISTIL Musulmanu Baucau hamutuk besik rihun ida ne’ebe hela iha Postu Administrativu ualu hanesan Baucau vila, Baguia, Laga, Matebian, Quelicai, Quelicai Antigu, Vemasse no Venilale.
Ekipa Kobertura : RCLM
