RCLM Baucau (21/04/2026)—Reprejentante komunidade Badunau Agustinho Belo ‘Maululik’ hateten, sente triste tebes tamba durante tinan rua nolu resin ukun an, maibe komunidade sira seida’uk sente dezenvolvimentu, tamba hasoru difikuldade ba infraestrutura bazika hanesan eletrisidade, estrada no bee mos.
Agustinho hatutan durante ne’e tenta halo ona proposta ba parte relevante, maibe to’o agora seida’uk iha resposta ruma, tamba husu ba Governu Timor Leste atu tau konsiderasaun ba komunidade sira nia preokupasaun durante ne’e.
“Ami sente triste tebes tamba durante ami infrenta duni infrastrutura bazika hanesan eletrisidade, estrada ne’ebe diak no seluk tan, maske ami halo pedidu ba Governu maibe to’o agora seidauk iha resposta ruma”. Dehan Agostinho Belo ba jornalista sira foin lalais ne’e
Enetrtantu Komunidade Lialai-Lesu Abel da Silva Belo hateten, durante tinan tolu nolu resin to’o mai ukun an la iha eletrisidade, obrigadu tenke utuliza lampu tradisional no lilin, hodi kompleta ba nesesidade iha tempu kalan.
“Tuir ami nia kultura ami hela iha ne’e durante tinan tolu nolu resin nunka mais ahi tama iha ne’e, ida ne’e mak ami hein to’o agora iha tempu kalan ami sunu lilin, tamba ahi la iha ne’e tenke hola lilin hodi auguneta ba iha tempu kalan”. Dehan Abel
Komunidade area Badunau aldeia Loliheni suku Bukoli, kauze uma kain rua nolu resin lima no uma kain 10 husi aleia Lialai-Lesu suku Tirilolo seidauk asesu eletrisidade, no estrada kuaze kilometru neen resin kondisaun aat.
Ekipa Kobertura : RCLM
