RCLM Baucau—Komuniade husi aldeia Parlamentu no Caisido Suku Tirilolo Postu Administrativu Baucau Vila, infrenta problema menus bee-moos atu responde ba nesesidade kada loron.
Repezentante komunidade Ricardo Ernesto Belo haktuir, antes ne’e autoridade relevante kanaliza ona bee-moos ba sira husi Aubaca Suku Triloca maibe devitu bee ki’ik kada familia kuru jeriken 10 to’o 20 bee maran ona, tanba ne’e husu ba autoridade kompetente atu solusiona aumenta kanaliasaun bee ba komunidade.
”Bee mai ami nia aldeia Parlamentu no iha ne’e aldeia haat bee mai semana ida dala ida la, sorti liu to’o dala tolu maibe lasufisiente ba ami kada familia kuru jeriken 10 liu mak 20 lasufisiente tanba, labarik sira haris ba eskola, tein, fase ropa no modo, foin dadauk perfurasaun bee iha aldeia Caisido ne’e (Bainau-Lale) ami hakarak kanaliza bee ne’e atu sufisiente baa mi uza,” reprezentante komunidade ne’e husu.
Xefe aldeia Caisido, Carlos de Assis Belo rekoiñse, kanalizasaun bee-moos ba komunidade sira la sufisiente, tanba populasaun suku Tirilolo aldeia haat hela hamutuk.
Membru konsellu suku Tirilolo ne’e afirma, BTL,E.P kontratu ona kompañia ida komesa implementa projeitu kanaliza bee ne’ebe antes parseiru internasional Australia no F-FDTL halo perfurasaun iha ‘Bainau-Lale’ hodi distribui tan ba komunidade.
”Agora dadauk bee ne’ebe kompañia husi Australia hamutuk F-FDTL fura kompañia ida mai komesa bok dadauk ona kuandu kanaliza sei reforsa tan ba kanu distribuisaun hau hanoin sufisiente ona,” hateten xefe aldeia Caisido.
Enkuantu komunidade suku Tirilolo sei infrentra problema menus bee-moos kompostu aldeia haat hanesan aldeia Caisido, Parlamentu, Lialailesu no Ossoua ho total uma-kain atus hitu tolu nolu resin haat (734) no populsaun hamutuk rihun tolu lima (3.005).
Ekipa Kobertura : RCLM
