RCLM Baucau (22/04/2026)—Kandidatu vaga iha Sekretáriadu Tékniku Administrasaun Eleitorál (STAE), ho prosisaun hanesan pontu fokál, operadór sistema no asistetente operadór hamutuk 117 ne’ebé liu teste eskrita, partisipa teste orál iha Munisípiu Baucau.
Diretór STAE Munisipiu Baucau Natividades Freitas Guterres hateten, kandidatu prosisaun tolu ne’ebé tuir teste orál nu’udar faze ikus, bainhira liu sei destaka iha Postu Administrativu ualu.
“Ohin ita halo ezame orál ba kandidatu ba prosisaun tolu hanesan operadór sistema, asistente no pontu fokál, sira ne’e kada postu ema na’in-tolu atu destaka tamba ne’e teste kontinuasaun husi eza 8 semana ida liu ba,” Natividades hateten iha knaar fatin edifísiu STAE vila Nova Baucau (22/04/26).
Diretór STAE ne’e esplika, pontus iha teste orál ikus mak ekipa juri avalia vestuariu, abitasaun literária, koñesementu jerál, esperiénsia serbisu, koñesementu kona-ba área ne’ebé sira aplika no mentalidade ko’alia iha públiku.
“Tenki hatene kona-ba komputador, se pontu pokál sira tenke hatene públiku speaking nian, atu ba ko’alia ho autoridade sira, sai formador ba eleitor sira no asisten operador ne’e atu apoia ba operador sistema,” Diretór STAE Munisipiu Baucau afirma.
Entertantu, rezultadu teste orál ikus ne’e sei anunsia iha fulan oin (Maio), no kandidatura ne’ebé liu prova orál sei kompleta dokumentu no asina kontratu hodi destaka ba postu.
Ekipa Kobertura : RCLM
