RCLM Baucau (07/05/2026)—Ministériu Transporte no Telekomunikasaun liu hosi Diresaun Nasionál Infraestrutura Komunikasaun (DNIK), instala antena liña internet, kada sede suku apoia tebes serbisu Administrasaun.
Xefe Suku Osso-ala Postu Administrativu Vemasse, Faransisco Gama da Costa Lobo haktuir, suku Osso-ala iha área rurál durante ne’e hasoru difikulade rede internet, atu faselita serbisu Sekretáriu Administrasaun Suku submete Sistema Integradu Informasaun Gestaun Dadus Suku no Aldeia (SIIGSA), liuhosi via online bá Administrasaun Postu no Administrasaun Munisipál to’o Nasionál, maibe politika Governu Sentrál instala rede internet Starlink atuál, funsionáriu ofisiál suku bele utiliza sumbete dadus ho lalais.
“Ami suku rurál rede internet susar di’ak tebes ba ami hodi ajuda ami nia Serbisu tamba agora servisu hotu dijitál, antes seida’uk iha Starlink ami nia dookumtus sira tenke hulan kumputer leptop sira mai Munisipiu hodi inser dadus SIIGSA sira ne’e, hotu ami lalin fali ba, agora laiha ita la lalin tun sa’e,” dehan Xefe Suku Osso-ala iha CCB vila Antiga Baucau.
Fransisco informa, antes Ministériu Transporte no Telekomunikasaun liu hosi Diresaun Nasionál Infraestrutura Komunikasaun (DNIK), seida’uk instala Starlink, konsellu suku esforsu tenta kompaña Vorkai Lda monta uluk ona, maibe kada fulan selu dolár amerikanu 50.
“Ami iha suku instala Starlink rua, ida instala primeiru fulan ida selu 50 dolár ba kompaña, entaun ami fornese tan bá komunidade ne’ebé hakarak fulan ida selu 2 dolár, maibe ema na’in 15 osan 30 dolár suku aumenta 20 dolár hodi selu kada fulan,” tenik Xefe suku Osso-ala.
Iha sorin seluk Xefe suku Caibada, Cosme da Costa Lopes afirma, rede internet Starlink ne’ebé Ministeriu Transporte no Telekomunikasaun kordenasaun servisu Ministériu Administrasaun Estatál instala ona fulan abríl liu ba, iha teritória Nasionál ajuda tebes servisu Administrasaun suku nian.
“Instalasaun Starlink parde ida ida hodi haforsa servisu suku, hodi submete dadus ba Munisipiu no Nasionál ita bele aselera tamba, dalabarak ami falla iha liña internet,” tenik Xefe Suku Caibada.
Enkuantu Munisipiu Baucau hamutuk suku 62 finaliza ona instalsaun liña internet Starlink.
Ekipa Kobertura : RCLM
