RCLM Baucau—Ministeriu Edukasaun liuhosi Institutu Nasionál Formasaun Dosente no Profisionál Edukasaun (INFORDEPE), fasilita formasaun kuríkulu foun ensiñu báziku terseiru siklu oitavu anu ba manorin sira iha Munisipu Baucau.
Diretor Formasaun Akademika INFORDEPE Nivio Oracio dos Ramos hateteten, Ministériu Edukasaun reforma ona kuríkulu tuan ensiñu báziku terseiru siklu oitavu anu kompostu husi matéria siensia naturais, Inglés no edukasaun artestíka no tuir planu trimestre tuir mai komesa implementa kurikulu foun, tanba ne’e presiza kapasita manorin sira hodi hetan koiñesementu molok aplika iha prosesu aprendisazem kada eskola.
Diretor Formasaun Akademika INFORDEPE fundamenta kurikulu foun ne’e adpta sistema teknolojia no dijitalizasaun, tanba Timor-Leste tama ona membru ASEAN.
”objetivu husi formasaun ne’e ba profesores sira kona ba kuríkulu foun oitavu anu nian, tinan liu ba ita ho kuríkuu tuan maibe tinan ida ne’e Ministeriu Edukasaun hahú kuríkulu foun ne’ebé ensera hamutuk tanba ita tama ona ASEAN, entaun ita desimina planu kompeténsia no kuríkulu foun ba profesores sira,” dehan Nivio iha salaun EBC Terseiru síklu vila nova Baucau hafoin abertura formasaun.
Manorin ensiñu báziku terseiru siklu filiál Dae-mena, Mazarela Mangalhães Ramos Ricardo Ruas, apresia no sente kontente partisipa formasaun reforma kuríkulu teseiru siklu oitavu anu, tanba hetan abilidade kurikulu foun atu aplika iha prosesu aprendisazem hodi hasa’e kualidade edukasaun.
“TOT (Training of Trainers) ne’e di’ak tebes tamba objetivu servisu no kolabora hodi eleva kualidade edukasaun espesialmente mai ita nia Munisipiu Baucau kona ba dijitalizasaun ensiñu aprendisazem importante tebes no ami pronto implementa iha eskola,” manorin Mazarela apresia formasaun ne’e.
Enkuantu, formasaun reforma kuríkulu ensiñu báziku terseiru siklu oitavu anu iha Baucau durante hala’o durante loron tolu komesa kuarta no remata iha sesta semana ne’e, no dirijente eskola inklui manorin ne’ebe patisipa hamutuk 193 no fahe ba turma 9.
Ekipa Kobertura : RCLM
