RCLM (09/05/2026)—Dirasaun Nasional Protesaun Guarda Florestal, liu husi Servisu Korpu Guarda Florestal Munisipiu Baucau entrega arma presaun du arr hamutuk unidade neen ho marka sharp Tiger, ne’ebe prende hahu husi tinan 2022 to’o tinan 2025, ba ekipa Policia Sentifika Investigasaun Kriminal hodi kontinua prosesu tuir tramitasaun legal, iha ne’ebe entrega iha Servisu Munisipal Agrikultura Baucau sabadu fim de semana ne’e (09/05/2026).
Xefe Policia Sentifika Investigasaun Kriminal Octavio da Costa Araujo hateten, PSIK Servisu hamutuk ho sekretaria estadu das Florestas atu rekolla hotu bens aprendidu, ne’ebe durante ne’e guarda Munisipiu sira halo aprensaun ba arma presaun du arr, Motosera, inklui ekipamentus sira ne’ebe mak sidadaun sira uza hodi estraga animal no ai horis sira ne’ebe estadu proteze.
Xefe PSIK ne’e husu ba sidadaun hotu iha Teritoriu Nasional ne’ebe mak uza Presaun du Arr, diak liu kopera hodi entrega volutariamente ba Autoridade Policia ne’ebe besik.
“Fo hanoin ba sidadaun hotu hotu katak, iha lei ne’ebe proteze ai horis sira no balada sira karik durante ne’e sidadaun sira ne’ebe mak uza arama presaun du arr diak liu volutariamente enetraga ba Autoridade Policia neebe besik”. Dehan Octavio da Costa Ba jornalista sira iha SMA Baucau sabadu, 09/05/2206
Entertantu Xefe Departementu Guarda Florestal Apolinario Freitas hateten, depois de enterga presaun du Arr ba PSIK, parte ekipa Guarda Floresta Munisipiu Baucau sei Kontinua halo operasaun oinsa atu halo proteze ba animal no ai horis sira ne’ebe protezidu.
“Liu husi atuasaun patrolumentu Guarda ninia iha tereinu barak mak husi hela iha uma toos nain ita foti, tamba nain halai lakon, kilat manu ne’e prende hahu husi tinan 2022 to’o tinan 2025 nian, maibe planu ba oin ita kontinua halo operasaun hanesan ne’e, “. Haktuir Apolinario
Enkuantu ekipa Policia Sentifika Investigasaun Kriminal Rekolla ona arma presaun du Arr hamutuk atus ida resin, inklui motosera no seluk tan ne’ebe sei kontinua prosesu tuir tramitasaun legal.
EKipa Kobertura : RCLM Baucau
