RCLM Baucau (02/06/2026)—Estudante Eskola Tékniku Informátika (EIT) Baucau na’in-sia (9) husi departamentu Multimedia, finaliza estajiu durante fulan tolu iha Radio Komunidade Lian Matebean (RCLM).
Gestora RCLM Dulce Santina Belo apresia estajiariu ETI Baucau, tamba aproveita oportunidade durante estajiu, apoiu ekipa Rádio Komunidade Lian Matebean prodúz programa Rádio drama, PSA, Notisia no programa sira seluk hodi públika ba komunidade liu hosi frekunsia radio 99,6 Mhz.
Gestora RCLM, enkora estajiariu sira kontinua aplika koiñesementu ne’ebe hetan durante estajiu, liu-liu área multimedia no komunikasaun sosiais bainhira kontinua estudu iha ensiñu superiór.
“Durante imi na’in-sia kolabora di’ak tebes no ajuda ami halo atividade ne’ebé radio komunidade halo hanesa PSA, drama, notisia no informasaun sira publika fali ba komunidade liuhosi radio,” hateten Gestora RCLM hafoin halo despedida ikus estajiariu ETI Baucau iha salaun enkontru RCLM Uatulete.
Profesor orientador ETI Baucau Baltazar Matos agradese ba Gestora RCLM ho ekipa Radio, tamba kada tinan sempre iha protidaun simu estajiariu husi ETI Baucau hodi hala’o pratika no hetan esperensia foun liu-liu servisu jonalizmu nian.
“Estajiariu sira aprende iha RCLM labele hotu iha fatin, maibe ba eskola kontinua aprende no fatin sira seluk tamba ita aprende laiha limitasaun,” profesor orientador fó hanoin.
Estudante Eskola Tékniku Informátika Baucau husi programa Multimedia hala’o estajiu iha RCLM na’in-9 refere, kompostu feto na’in- tolu (3) no mane na’in lima (6).
Enkuantu ETI Baucau halo koperasaun RCLM durante tinan 6 ona, hahú tinan 2020 to’o agora no futuru sei kontinua simu estudante área multimedia hodi hala’o estajiu fulan 3.
Ekipa Kobertura :RCLM Baucau
