RCLM Baucau (10/04/2026)—Durante tempu paskua Hahu husi loron 2 to’o loron 6 fulan abril tinan ne’e, Hospital Regional Eduardu Ximenes Baucau rejistu pasiente hamutuk atus rua tolu, mak tama iha sala emergensia kompostu husi asidente no moras sira seluk.
Diretur Klinika HoREX Baucau Mouzinho Fransisco da Costa Belo hateten, husi pasiente 200 resin ne’e, nain ne’en mak halo transferensia ba Hospital Nasionál Guidu Valedares Dili hodi CT-scan no halo diagnostiku, tamba makina raio-x avaria, enkuantu nain ida hakotu nia vida tamba pasiente grave tiha hafoin familia lori ba Hospital hodi la konsegue salva nia vida.
“Nain 16 ne’ebe mak transfetensia ba Dili tamba ita nia makina raio-x avaria, sira tenke ba halo CT-scan no balun hasai raio-x tamba balun tohar hetan asidente”. Dehan Diretur Klinika HoREX Baucau ba jornalista sira iha nia knaar fatin foin lalais ne’e.
Mouzinho hatutan durante tempu paskua nia laran, parte profisionál Saude sira ativo hodi halo atendimentu ba pasiente sira.
“Iha tempu paskua ami mediku sira la husik sala sira, hodi halo atendimentu ba pasiente sira ho diak”. Haktuir Mouzinho
Entertantu Medikamentus iha Hopital Regional Eduardu Ximenes Baucau Sufsiente hela hodi atende ba pasiente sira, maske ai-moruk balun Stock out.
Ekipa Kobertura : RCLM
