RCLM Baucau (27/07/2026)—Uma Kreda Katólika Dioseze Baucau liuhosi Komisaun organiadór hamutuk ho familia komesa halo preprasaun ba ordenasaun diákonu na’in-8 ba saserdote, no frater na’in -2 ba diákonu ne’ebe tuir planu sei realiza loron 24 fulan agostu tinan 2026 iha igreija katedral Baucau.
Prezidente Komisaun Organizador Padre Bernardo Manuel Luis da Silva hateten, ordenasaun saserdotál no diakonál iha fulan oin mai (Agosto), konsidera festa ordenasaun boot kompara ho ordenasaun saserdotal tinan 2025 ba kotuk, tamba ne’e komisaun, sub komisaun inklui família presiza halo kordesaun servisu másimu hodi fo susesu ba festa ordenasaun ne’e.
Atual Padre Pároku Sagrada Korasaun de Jesus Vila Nova informa, preparasaun dadaun komisaun organizador hamutuk ho familia diakonu no frater sira halo liuhosi fahe serbisu kada sub komisaun hanesan lojistika, komsumsi,resepsaun, akomodasaun, dekorasi, misa no seluk.
”Enkontru ne’e halo preparasaun dik liu tan tanba ordensaun na’in sanolu barak tebe-tebes mais hosi fatin no munisipiu lahanesan, tanba ne’e liu husi sorumtu ne’e ami hare hamutuk no prepara di’ak fahe serbisu sira ne’e tuir tarjetu ne’ebe iha molok tama ba ordenasaun saserdotal nailulik no diákonu iha loron 24 fulan agostu,” hateten prezidente Komisaun Organizador.
Satorlina Fernandes reprezentante familia Diákonu José Maria Fernades hateten, sente orgulu alin ida atu sai nai-lulik, tanba ne’e prontu apoiu másimu ba komisaun tuir kbiit ne’ebé iha hodi fo susesu serimonia ordenasaun.
“Ami familia hetan konvite husi komisaun organizador Diocese nian atu halo preparasaun ba ordenasaun ba diakonu nain ualu ba nain lulik inklui frater nain rua ba diakonu, ne’ebe tuir planu realiza fulan oin tanba ne’e ami familia prepara no kontribui sasan no animal tuir kbiit nain lulik ida-idak nian,” dehan Repezentante.
Enkuantu Diákonu nain-8 no Frater na’in-2 sei simu ordenasaun ka tula liman husi Biospo Don Leadro Maria Alves iha igreija katedral Vila Antiga.
Ekipa Kobertura : RCLM
