RCLM Baucau (21/04/2026)—Relasiona ho kondisaun irigasaun ossosege difikulta Grupu agrikutor Daytula, tamba natar komesa maran hodi difikulta ba prosesu kuda harre iha Seiçal Postu Administrativo Baucau Vila Munisipiu Baucau.
Xefe grupu Daytula Marciano da Cruz Soares “Boulesa” hateten, husu ba Ministeriu Agrikultura Pekuaria Peskas no Floresta, kolóka ekipamentu pezadu atu hadia irigasaun tradisionál iha area ossosege suku Seiçal, tamba rai henek taka irigasaun halo debitu bee menus kuaze fulan ida resin ona hodi difikulta gurupo agrikutor sira atu hala’i natar no kuda hare.
“Ami grupu Daytula nian hari’i grupu halai ona natar hektare Ualu halai hotu ona, maibé fulan ida resin ona bee la tama no rai ne’ebé fila, maran hotu, hare viveiru besik atu kuda maibé ne’e bee la iha”. Hateten Boulesa.
Nia esplika, akividade ne’e atu kria kondisaun ba an rasik no maluk F-FDTL ne’ebé idade atu tama ba reforma, liu husi halo natar hodi fo kontribui ba Estadu, no oinsá akumula juventude sira hodi dezenvolve iha setor agrikultura.
“Atividade ne’e ajuda estadu kria kondisaun ba ami nia an rasik molok reforma, ao mesmu tempu oinsá akumula ita nia maluk Daytula nian ho joven sira ne’ebé la iha servisu, akumula iha laran halo servisu, oinsá dezenvolve setor agrikultura” haktuir Boulesa.
Eis F-FDTL ne’e informa, ninia parte hari’i grupu Daytula ho membru mai husi eis FALINTIL forsa defeza Timor Leste, eis kaiza klandestina Daytula nian balun, juventude feto ho mane kuaze lima nulu resin ne’ebé dadaun ne’e hala’o servisu halai natar iha suku Seiçal.
Natar ne’ebe Veteranu sira halo iha suku Seiçal ne’e kuaze Hetares neen risin.
Iha tempu hanesan bainhira Jornalista konfirma asuntu ne’e ba iha Diretor Servisu Munisipal Agrikultura Baucau, maibé la iha fatin tamba tuir informasaun sei hala’o hela servisu iha Dili.
Ekipa Kobertura : RCLM
