RCLM Baucau (13/04/2026)—Centru Solidariedade Sosiál no Inkluzaun (CSSI) Munisipiu Baucau, rejista benifisiariu programa Bolsu da Mae hamutuk 4.731, kompostu husi Postu Administrativu ualu.
Diretór CSSI Munisipiu Baucau Albino Nicolau Freitas hateten, totál benifisiariu programa Bolsu da Mae 4.731 ne’e, kompostu husi Postu Quelicai Antigu benifisiariu hamutuk 259 tutor hamutuk 110, Baucau vila benifisiariu 907 tutor hamutuk 514, Baguia benifisiariu hamutuk 810 tutor hamutuk 299, Laga benifisiariu hamutuk 803 tutor 391, Matebian benifisiariu hamutuk 109 tutor 109, Quelicai benifisiariu hamutuk 292 tutor hamutuk 139, Vemasse benifisiariu hamutuk 544 tutor hamutuk 421 no Venilale benifisiariu 1.007 hamutuk tutor 425.
Nia esplika programa Bolsu da Mae ne’e, pagamentu ba benifisiariu sira diferente tamba, benifisiariu ne’ebé sei eskola iha primeiru síklu hetan pagamentu dolár amerikanu 8 kada fulan, maibé difisiente fízika aumenta adisionál dolár 5 nune’e totál dolár 13 kada fulan, benifisiariu eskola iha segundu siklu hetan pagamentu dolár Amerikanu 9, difisiente aumenta adisional dolár 5 nune’e totál 14, enkuantu benifisiariu eskola sekundaria hetan pagamentu dolár 10, ema defisente aumenta adisional dolár 5 nune’e totál 15.
“Pagamentu benifisiariu (bolsu da mae) ne’e la’ós hanesan idozu sira nian fulan tolu ka fulan neen, maibé tinan ida dala ida iha fim do anu (dezembru), maibé ne’e halo pagamentu ou lae ne’e la’ós kompeténsia ami nian, kompeténsia nasionál nian,” dehan Nicolau ba RCLM iha nia kna’ar fatin CSSI Vila Nova segunda.
Entertantu Centru Solidariedade Sosiál no Inkluzaun Munisipiu Baucau, hasoru difikuldade menus rekursu umanus atu destaka iha Postu Administrativu foun rua hanesan Quelicai Antigu no Matebian, tamba ne’e aprezenta ona ba Diresaun Nasionál bainhira rekruta rekursu tékniku bele destaka ba Postu rua refere, dadaun ne’e tékniku husi Postu Quelicai no husi Munisípiu provizória halo atendementu verifkasaun dadus husi benifisiariu sira.
Ekipa Kobertura : RCLM
