RCLM Baucau (15/04/2026)—Hahu husi tinan 2022 to’o mai iha tinan 2026, Bee Timor Leste Epreza Publiku Munisipiu Baucau kanaliza ona Bee mos ba kliente sira iha Munisipiu Baucau, hamutuk rihun rua atus hat ualu nolu resin ualu.
Diretora BTL.EP Munisipiu Baucau Adriana Belo da Rosa hateten, iha trimestral tinan ne’e parte Bee Timor Leste Munisipiu Baucau, hatama reseitas ba kofre estadu hamutuk Dolares Amerikanu rihun tolu nolu resin, enkuantu kliente husi rihun rua resin ne’e Bee Timor Leste empreza publiku notifika kliente 90 iha fulan fevereiru tinan ne’e, tamba la selu maibe depois de notifika klinete barak mak selu ona, maibe kliente hat mak nafatin la selu iha ne’ebe ekipa Bee Timor Leste halo ona kortaligasaun, iha area Aldeia Lamegua suku Tirilolo postu Baucau vila Munisipiu Baucau.
“Bainhira sira kontra regras liu ona parazu dez dias entaun sira sei kona koima, kuandu ami halo ona kortaliagasaun kada loron sira aumenta kuatru dolar depois sira tenke selu ho ligasaun foun nian sinkuente i sinku dolares, no aumenta fulan kotuk liu ba bee ne’ebe sira asesu ona, ami aplika ida ne’e, tamba ema balun selu no balun la selu ne’e la balansu”. Dehan Diretora BTL.EP munisipiu Baucau Adriana Belo da Rosa ba jornalista sira iha nia kna’ar fatin Tersa feira, 14/04/2026
Nia afirma Bee Timor Leste Munisipiu Baucau iha ona planu atu kanaliza bee ba komunidade sira, iha urbana maibe bee matan ida deit.
“Antes atu tama ba ita nia planu, ita hare uluk ba ita nia problema sira mak BTL.EP nia Bee matan agora dadauk fornesementu ne’e ida deit, entaun husi ida ne’e mak BTL iha planu atu halo meloramentu bee no saniamentu ba areas urbana nian sei aumenta sistema tolu tan ne’ebe ejiste”. Haktuir Diretora BTL Baucau
Adriana husu ba komunidade sira ne’ebe mak presija atu halo kanalizasaun bee mos presija halo registrasaun hodi ekipa tekniku bele halo kanalizasaun bee mos ba kliente sira.
“Hanesan ohin koalia katak, bainhira presija iha kanalizasaun foun presija ita kolabora hamutuk hodi mai iha ne’e halo registrasaun hafoin ekipa tekniku halo levantamentu atu nune’e bele halo kanalizasaun foun bele kalae, importante mak ita presija kolabarasuan”. Dehan Adriana
Makina Bomba bee hamutuk sanulu, ne’ebe kuaze diak hotu hodi fornesa bee ba kliente sira, maibe ida iha area Lamegua nian mak avaria, maibe ekipa sira kontinua halo manutensaun oinsa atu bele fornese bee ba komunidade sira iha area refere.
EKipa Kobertura : RCLM
