RCLM Baucau (14/05/2026)—Autoridade Postu Administrativu Baguia husu apoia emerjensia Ministériu Obras obras Públika (MOP), normaliza estrada ne’ebé kotu totál iha mota Baçar-Uai suku Hae-coni.
Administrador Postu Administrativu Baguia, Mario Xavier da Silva haktuir, estrada iha mota Baçar-Uai kotu totál kauza husi korenti mota, relasiona akontesementu udan boot durante loron lima.
Nia esplika, infraestrutura estrada ligasaun entre Postu Administrativu Baguia kotu totál impede movimentu komunidade suku Osso-huna no Afaloicai tamba ne’e, aprezenta ona ba Autoridade Munisipiu Baucau ho evidénsia estrada ne’ebé hetan estagus.
“Kondisaun jeral iha Baguia estrada kotu alende Samalari iha mota Baçar-uai sobu total Estrada, difikulta movimentu transporte suku Osso-Huna no Afaloicai mai Baguia difikulta tebes, ita informa ona ba Munisipiu horseik ekipa tékniku MOP atu mai halo levantamentu mota Baçar-Uai, maibe korenti mota Dalasa boot sira labele ultrapasa,” informa, Administradór Baguia ba RCLM liu hosi via telefone kinta ne’e.
Autoridade Postu Baguia salienta, Ministériu Obras Publika presiza apoia ekipamentus pezadus, hodi hadi’a hikas estrada ne’ebé kotu iha mota Baçar-uai, nune’e faselita movimentu komunidade asesu merkadu Munisipal, inklui fasilidades públiku iha Postu Administrativu Baguia.
“Ministeriu kompetente obras publika, udan para presiza mobiliza ekipamentus pezadus hodi normaliza mota Baçar-uai, alende ne’e fatin seluk ne’ebé presiza nune’e ita nia komunidade asesu mvimentu ho transporte publiku,” rekomenda APA Baguia.
Enkuantu estrada kotu iha mota Baçar-uai durante ne’e fó asesu komunidade aldeia Uaiboru, Baçar-uai balun suku Hae-coni, suku Osso-huna, Afaloicai inkui Postu Uatucarabau Munisipiu Viqueque.
Ekipa Kobertura : RCLM
