RCLM Baucau (30/07/2026)—Tersa Feira Semana ne’e mais ou menus tuku hitu dader oras Timor Leste, bainhira seguransa loke portaun sidadaun husi Postu Administrativo Baucau Vila hadau malu fatin no dudu malu hodi trata Bileti Identidade, rejulta vidru odamatan edifisiu Balkaun Uniku Munisipiu Baucau Rahun no inklui portaun hetan estragus.
Koordenador Balkaun Uniku Munisipiu Baucau Euclides Ornai hateten, relasiona ho akontesementu ne’e parte dirijente sira deside suspende provizoriu la halo atendimentu ba Bilete Identidade, tamba vidru odamatan rahun alende ida ne’e parte dirijente relata kedas ba iha Autoridade Munisipiu Baucau no dirasaun nasional.
Euclides hatutan maske sidadaun sira barak mak trata BI, maibe Balkaun unkiku mantein nafatin uza sistema Simu ema nain 60, tamba atu halo jestaun ba makina hodi bele utuliza ba tempu naruk.
“Konkorda tebes atu ita boot ejiji iha BI Orijinal tamba ida ne’e ita nia direitu atu asesu ba ita nia nesesidade ba ida idak ninian, maibe instituisaun hotu hotu iha regras ita simu ema nain 60, tamba nee ita hotu hotu mai forma iha lina hodi atendimentu, ita hotu hotu nia hakarak atu seguransa ba ita nia sasan ga patrimonia sira ne’ebe mak governu oferese ona ba ita, dala ruma ita ejiji ita nia direitu atu hetan servisu ba futuru, dala ruma ita uza la tuir regras ruma ita bele estragus fali patrimonio estadu ne’e krime fila fali ninia impaktu sei hetan sansaun ruma tuir regulamentu ne’ebe iha ita nia rai”. Dehan Kordenador Balkaun Uniku Baucau iha nia knar fatin quarta, 29/07/2026
Dirijente ne’e husu ba sidadaun sira ne’ebe atu trata billeti Identidade, presija pasensia tamba atendimentu ne’e sei la hotu.
“Tamba ne’e mak husu nafatin ba ita nia komunidade mesmu ita simu 60 to’o 70 iha kada loron atendimentu, maibe nia tendimentu ne’e la hotu, ohin ita atende semana oin atende fulan to’o tinan ita sei kontinua sei la hotu, tamba ne’e mak ita hotu hotu hein ho pasensia, ida ne’e sasan ita nian ita koidadu hamutuk para depois util no dura ba tempu naruk”. Hatete Euclides
Entertantu ba estragus Odamatan Edifisiu Balkaun Uniku Munisipiu Baucau nian entrega ona ba Komando PNTL Munisipiu Baucau hodi halo investigasaun, tuir observasaun Jornalista iha tereinu nota katak atendimentu La’o fila fali hanesan baibain alende de ida ne’e, parte Balkaun uniku Baucau mos fahe ona orariu ba kada Postu Administrativo Iha Munisipiu Baucau hodi halo atendimentu.
Ekipa Kobertura : RCLM Baucau
