RCLM Baucau (06/05/2026)—Autoridade Munisipál Baucau (AMB), apresia estudante husi eskola báziku katólika (EBC sígla Portugés) Santo António Baucau tamba, lori Timor-Leste partisipa kompetisaun siénsia Matemátika Internasionál Creativity and Innovation Award (ICIA), iha Cambodia husi loron 24 to’o 26 fulan abríl foin lalais ne’e hetan mellór klasifikadu.
Sekretariu Munisipal Asuntu Sosial no Organizasaun Maria Celestina Viegas, parabeniza estudante na’in-6 kompostu mane na’in-1 no feto na’in-5 EBC St.António Baucau, ne’ebé reprezenta Timor-Leste tuir kompetisaun ICIA iha Cambodia hetan mellor klasifikadu, maibe enkoraja kontinua aprende makás hodi hamorin nafatin Timor-Leste nian naran ba mundu.
“Ami nia apresiaaun no paraben ba oan doben na’in-6 kontinua nafatin ho matenek ne’ebé iha akonpaña husi manorin, inan-aman lori nafatin lori naran Timor-Leste ba mundu,” dehan repezetante Autoridade Munisipal iha salaun Apuramentu (04/05/2026).
Treiandor Siénsia Matemátika husi Komisaun Nasionál Timor-Leste (KNTL ba UNESCO Gabriel dos Santos esplika, partisipasaun Timor-Leste iha ICIA liu husi komisaun nasionál Timor-Leste ba UNESCO ne’ebé ho misaun promove edukasaun siénsia no kultura ba dezenvolvimentu sustentavel, no hahu estabelese iha 23 abríl 2009 to’o agora, hamutuk ho governu implementa programa siénsia edukasaun, kultura no komunikasaun ho viasaun hafora páz no seguransa, kolaborasaun intelektuál hodi asegura jesaun foun Timor-Leste nian iha kbi’it no forsa hodi kompete iha nivél globál.
Nia afirma, kompeteisaun ICIA tinan 2026 iha Cambodia partisipante hamutuk 430 resin husi nasaun hamuutk 27 inklui Timor-Leste, estudante EBC St.António Baucau konsege hetan premiu nivél aas.
“Timor hetan premiu ás iha kompetesiaun ICIA oferese husi ita nia oan sira eskola Santo António (ESA) ho sira nia maneira, koiñesimentu hodi atrai ema barak komprende saida mak sira aprezenta,”dehan Gabriel.
Estudante EBC St.António Baucau Florbella Ezania Osorio da Silva dehan, partisipa iha kompetisaun ICIA Cambodia nu’udar aprendisazem, troka idea, hadi’a kapasidade estudante no emvador sira.
“ohin loron ne’e la’os kona bá manan, maibe kona ba dalan naruk ne’ebé ami liu, ami hamrik hanesan prova katak servisu makás konfiansa no ispiritu lahalo ita lakon,” reprezeante Estudante kompetetor EBC St.António Baucau ne’e espresa.
Estudante EBC St.António Baucau na’in-6, konsege rekolla medalla haat hanesan medulla Bronze, medulla espesiál Award, medulla Titanium no medulla Grand Award.
Enkuantu, estrutura autoridade Munisipal hamutuk ho dirijente eskola, manorin, inan-aman inklui maluk estudante simu hikas estudante na’in-6 iha Nagarjo, no halo comboiu mai resintu administrasaun fó tara tais n’udar sinal aprsiasaun hafoin kontiniua ba eskola Teulale.
Ekipa Kobertura: RCLM
