RCLM-Baucau (14-11-2025)—Eskola Báziku Sentral (EBC sígla portugés) vila nova iha Postu Administrativu Baucau vila Munisipiu Baucau, kontinua enfrenta problema falta bee-moos tamba, kanalizasaun ne’ebé iha devitu ki’ik obrigadu kada semana sosa.
Adjuntu Diretor EBC Vila Nova Baucau Lucio Guterres hateten, maske kanalizasaun bee-moos to’o eskola maibe la sufisiente tamba devitu kiik no utiliza de’it ba programa merenda eskolar, atu utiliza bá sanitasaun kada semana tenke sosa husi empreza ne’ebé fa’an kada tanke litru rihun lima folin dolár amerikanu sanolu resin rua ($ 12,00).
Adjuntu Diretor EBC vila nova, husu Servisu Munisipál Edukasaun kordena ho parte Bee Timor-Leste empreza públika, atu aumenta kanalizasaun bee nune’e estudante no profesores sira utiliza bá nesesidade.
“Ami bee oituan mai ona maibé iha de’it sala dapur nian atu liga mai alunus no profesores sira nia sentina mak bee laiha desde uluk to’o agora ami sosa hela de’it sé udan tau ami semana rua mak sosa, udan latau ami semana ida tenke sosa tamba alunus no profesores barak tenke uza, tamba bee sai fator primeiru presiza dada mai tanke hamenus ami nia difikuldade,” hateten Lucio ba RCLM iha nia kna’ar fatin EBC vila nova kinta(13-11-2025).
Estudante Micafi Gama, sente preokupa menus bee atu uza iha sanitasaun, tamba ne’e parte relevante liu-liu edukasaun presiza buka solusaun.
“Triste tamba bee menus ami husu Ministeriu Edukasaun dada bee aumenta ami uza ba haris fatin,” reprezentante estudante rekomenda.
Liga ho preokupasaun ne’e, RCLM seidauk halo konfirmasaun ho Diretór Servisu Munisípál Edukasaun Baucau Afonso dos Santos da Costa Freitas, tamba okupadu.
Ekipa Kobertura : RCLM
