RCLM Baucau (23/04/2026)—Mediku Jerál Óspitál Rejionál Eduardo Ximenes (HoREX) Baucau, kontinua tranfere vítima Elias Menezes ba Óspitál Nasionál Guidu Valedares (HNGV) Díli, hodi halo operasaun ba nia liman ne’ebé kanek grave, tamba hetan ta’a ne’ebé akontese iha Aldeia Uqui-Lari, suku Afaloicai Postu Administrativu Baguia kuarta-feira madruagada.
Médiku Jerál HoREX Inocensio Jaime hateten, pasiénte na’in-rua transporta husi sentru Saúde Postu Administrativu Baguia kuarta-feira (22/02/2026), to’o sala emerjensia sira halo ezaminsaun pasiénte ida (Elias Menezes) liman parte los urat no ruin kotu no pasiénte Abel da Silva kanek ain tur parte los.
Asistente Espesial Ortopedia no Sirurjia Jerál iha HoREX ne’e esplika, médiku sira deside kontinua halo tranférensia pasiénte Elias Menezes ba HNGV tamba, tenke halo operasaun ba nia liman no pasiénte kanek iha ain tur médiku HoREX halo tatamentu maibe kondisaun la grave.
“Tratamentu lolos fó ba pasiénte ita rezolve liu husi dalan operasaun para tau besi ba nia liman hodi rekopera, maibé prezente ita nia Óspital Rejionál Eduardo Ximenes Baucau sasán sira atu opera hanesan plat, tornilu la iha, tan ida ne’e ami deside halo imunizasaun tratamentu anti biotiku sira, analitiku ita deside ba HNGV atu halo nia tratamentu, pasiente ida kanek iha ain tur maibe ami hare despois suku tiha halo ezaminsaun laiha problema, entaun ami halo tatamentu oral no fila fali ba uma depois halo segmentu kontinua. “hateten Asistente Espesial Ortopedia no Sirurjia Jerál HoREX kuarta (22/04/2026).
Familia pasiénte Avelino de Menezes haktuir, vítima na’in rua hetan kanek iha ain no liman tamba ta’a husi supeitu AdS, maske antes ne’e sira ransu no la’o hamutuk.
“Sira kuaze fulan ida la’o, han no toba hamutuk maske uma keta-ketak, ita la epera ohin madruagada nia maluk bele ta’a fali sira na’in-rua,” Familia vítima konta.
Relasiona kazu refere, antes ne’e Xefe Suku Afaloicai informa, suspeitu AdS konsellu suku indentifika ona nia paradeiru no entrega ba Polisia eskuadra hodi prosesu tuir lei.
Enkuantu, RCLM tenta atu konfirma kazu ne’e ba komandante PNTL iha Baucau, maybe la konsege tamba, seidauk hetan relatóriu investigasaun husi polisia eskuadra Postu Administrativu Baguia.
Ekipa Kobertura : RCLM
