RCLM Baucau (21/04/2026)—Servisu Munisipál Edukasaun (SME) planeia sei konvoka enkontru rutina ho Diretór, Adjuntu no Gabinete Apoiu tékniku (GAT), hodi avalia eskola públiku no privadu iha Postu Administrativu ualu iha Baucau.
Diretór Servisu Munisípál Edukasaun Baucau Afonso dos Santos da Costa hateten, planu enkontru rutina hodiretivas eskola, ho objetivu halo avaliasaun progresu no dejafius kada eskola hasoru, oinsá tau ideas hamutuk fó solusaun atu eleva kualidade Edukasaun iha Munisípiu Baucau.
“Ohin ami upload informasaun ba malu husi diresaun ba diretivas eskola, no eskola ba diresaun tau hanoin hamutuk hare ba difikuldade sira eskola aprezenta, atu hadi’a no objetivu ida di’ak liu agora ami prepara kada fulan rua ka tolu enkontru rutina nafatin para informa ba malu prosesu aprendisazem,” Diretór SMEB hateten ba Jornalista sira iha EBC Vila Nova tersa ne’e (21/04/2026).
Afonso afirma, Servisu Munisípál Edukasaun hamutuk diretivas eskola deside trimestre primeiru tinan ida ne’e hahú hala’o enkontru avaliasaun iha loron 21 fulan maiu, antes to’o data refere ekipa inspesaun hala’o servisu inspesiona ba eskola sira.
“Ita iha kantor inspesaun mos la’o iha loron 15 depois internál mós ami halo, nune’e iha enkontru avaliasaun ita bele upload informasaun kona-ba susesu no dejafius sira no saida mak ita halo tempu tuir mai,” Diretór SMEB akresenta.
Enkuantu, enkontru pleneminariu ne’ebé servisu Munisípál Edukasaun Baucau realiza ho dirijente eskola públiku no privada husi ensinu báziku to’o ensinu sekundaria jerál no tékniku vokasional aprezenta, presiza hadi’a liu-liu implementasaun programa métodu pedagojia prosesu aprendisazem iha eskola, merenda eskolár no menu merenda eskolár ba estudante.
Ekipa Kobertura : RCLM
