RCLM Baucau (22/06/2026)—Feto Parlamentár Austrália hala’o vizita ofisial iha Munisípiu Baucau ho objetivo, atu haforsa parseria no promove kooperasaun entre Austrália no Timor-Leste, inklui Mellora koñesimentu no hametin liu tan dezenvolvimetu demokrátiku.
Prezidente Autoridade Munisípiu Baucau Veneranda Lemos Martins hateten, agradese tebes ba feto parlamentu Australia, tamba bele vizita ona Munisipiu Baucau ba dahuluk nian.
Veneranda hatutan delegasaun nia vizitasaun ne’e, atu komprende diak liu tan kona ba moris nudar feto lidersansa iha Timor Leste no mos hare programa no projeitu sira iha Munisipiu Baucau, inklui oinsa atu hametin relasaun diak entre Timor Leste no Australia.
Vizitasaun Feto Parlamentu Australia ne’e mos, hanesan motivasaun ida ba feto Munisipiu Baucau oinsa atu partisipa masimu iha prosesu Dezentralizasaun Administrativa Poder Lokal, ne’ebe sei implementa iha tinan 2027.
“Sira nia vizita fo motivasaun ba feto espesialmente ba Baucau oan nia diak”. Dehan Pam Baucau ba jornlaista sira iha Salaun Wewe Autoridade Munisipiu Baucau, Quarta 22/04/2026
Depois hasoru malu ho Prezidente Autoridade Munisipiu Baucau, Membru Feto Parlamentu Australia kontinua hasoru malu ho lideransa Feto iha Baucau.
Entertantu Membru Feto Parlamentu Australia ne’ebe hala’o Vizitasaun ne’e, kompostu husi Deputada Anne Urquhart, Deputada Kerrynne Liddle, Deputada Marry Doyle, deputada Sophie Scamps no Deputada Dai Le.
Ekipa Kobertura : RCLM
