RCLM Baucau (18/04/2026)–Ekipa Veternaria husi Ministeriu Agrigutura Pekuaria peska no Floresta Munisipiu Baucau Rejista ona kazu Raiva Pozetivo rua no suspeita rua ne’ebe detekta bainhira tata sidadaun nain rua iha Aldeia uaturau suku Gariuai, no ida seluk tata iha aldeia ana-ulu suku Bahu postu administrativo Baucau Vila Munisipiu Baucau no suspeitu rua seluk deteta iha Area Watulete suku Tirilolo ida pozetivo no ida seluk izolamentu.
Medika Veternaria Destakadu Munisipiu Baucau Zelia Ximenes hateten, relasiona ho kazu raiva ne’ebe afeita ona, ekipa taks force presija hala’o servisu hodi kombate virus Raiva iha Munisipiu Baucau, tamba kazu ne’e seriu tebes.
Medika ne’e hatutan bainhira asu tata sidadaun sira lalais kurativu hodi fase lalais uza sabaun no rinso, inklui lori lalais ba hospital hodi kurativo tamba virus raiva perigu tebes ba ema nia vida.
“Sim, pontu primeiru mak asu tata, pontu primeiru tenke fase kedas ho bee torneira ne’ebe mak sulin ho sabaun ka rinso ne’ebe ita uza iha uma lor-loron, ita fase kedas durante 15 minutus I lalais lori kedas ba sentru saude atu nune’e bele prevene rabies ida ne’e, Maibe kuandu la fase lais ho sabaun ka rinso ne’e ita dehan bele akontese moras rabies ida ne’e ba ema ne’ebe tata husi asu refere Sim, Kuandu asu ne’be pozitivu maibe ita la tuir oinsa hau temi la fase lalais la lori ba sentru saude hodi hetan vasinasaun anti rabies ka hetan Imunugrubulina ba rabies nian ne’e, nia bele fasil loos atu hetan rabies bele akontese iha semana bele fulan bele to’o tinan”. Dehan Medika Veternaria Destakadu Munisipiu Baucau Zelia Ximenes ba jornalista sira nia kna’ar fatin foin lalais ne’e.
Entertantu Medika ne’e husu ba sidadaun hotu bainhira asu ne’ebe hatudu sinais sintomas hanesan agresivo, siak buka mak nakukun, lalais informa ba pekuaria Veternaria hodi bele atende lalais.
“Husu ba komunidade ne’ebe mak iha Munisipiu Baucau laos iha Munisipiu Baucau deit maibe ba Munisipiu sira seluk mos koidadu wainhira asu ne’ebe mak hatudu sinais sintomas hanesan agresivo, nia siak, depois buka nakukun deit, tauk bee, la’o fraku tebes ida ne’e tenki lalais informa ba iha departementu pekuaria veterenaria atu nunee ami nia ekipa tekniku sira ou mediku sira bele tun hodi ba atende lalais, maibe karik hetan animal sira hanesan ne’e hadook an liu liu ba labrik kiik oan sira, tamba labarik kiik oan sira maka fasil los atu hetan moras ida ne’e tamba dala ruma asu tata sira la fo hatene ba inan aman, maibe presija lori lalais ba sentru saude hodi halo tratamentu”. Haktuir Zelia
Parte Pekuaria Veterenaria hamutuk saúde Munisipiu halo ona vasinasaun iha Postu Administrasaun Vemase hamutuk rihun rua hitu nolu resin lima kompostu husi Asu, Busa no lekirauk, enkuantu postu Hitu seluk iha ona planu atu ba halo vasinasaun ba animal sira.
Entertantu Vasinasaun iha Ministeriu Agrikutura Pekuaria peska no Floresta Munisipiu Baucau dadaun ne’e vasinasaun hamutuk doses atus ida ualu nolu resin lima.
Ekipa Kobertura : RCLM
