RCLM Baucau (18/04/2026)—Autoridade Munisipiu Baucau hamutuk Edukasau no parseiru UNESCO, hala’o despedida ba Estudante eskola Ensinu Baziku Central Catolika Santo Antonio Baucau nain neen, kompostu husi Mane nain ida no feto nain lima ne’ebe reprejenta Timor Leste, hodi ba tuir kompetisaun Siensia no Matematika iha Internasional Creativity and Innovation Aword (ICIA) tinan 2026, iha nasaun Cambodia.
Sekretariu Ezekutivo Unisco Iha Timor Leste Luis Nino de Fatima Soares hateten, tinan tinan komisaun organizadora Unisco organiza eventu loron mundial siensia no matematika ba estudante sira, iha ne’ebe grupo estudante kauze atus ida resin mak tuir kompetisaun iha Nasional, maibe grupo tolu nolu mak sai manan nain iha kompetisaun ne’e no grupo sanolu ne’ebe mak diak tebes hodi nomea ba Internasional Creativity and Innovation Aword (ICIA), maibe kestaun orsamentu Grupo estudante EBC Catolika Santo António nain 6 mak reprejenta hodi ba tuir kompetisaun iha Cambodia, Enkuantu grupo ualu seluk sei tuir kompetisaun Siensia no Matematika tuir Online.
“Ba komisaun UNESCO hare katak sira iha ona talentu sira no fiar an no domina ona sira nia materia sira durante kompetisaun iha loron mundial siensia nian ami hakarak atu haklean sira nia koñesementu, fiar an nafatin iha publik speaking diak liu tan iha Cambodia, atu manan ga la manan la ptoblema naran katak iha nafatin vontade espiritu ba kompete nian” Dehan Sekretariu Ezekutivo UNESCO Iha Timor Leste Luis Nino de Fatima Soares ba jornalista sira iha Teulale, sesta 17/04/2026.
Prezidente Autoridade Munisipiu Baucau Veneranda Lemos Martins hateten, husu ba estudante sira ne’ebe selesionadu atu estuda makas no lee barak, hodi ba partisipa kompetsiaun ne’e ho diak atu lori Timor nia naran ba mundu.
“Ba imi nain neen ho komisaun ida ba kompete haka’as an lee barak estuda nafatin atu fila fali lori siensia, lori buat diak ruma ba imi nia an rasik hafoin imi transmite ba kolega sira seluk”. Dehan PAM Baucau
Entertantu Reprezentante Estudante Angel Grace Costa de La Rosa hateten, konfiansa ne’ebe hetan tenke responsablidade hodi hamosu rejultadu ne’ebe diak, no sei lori fila esperensia foun ne’ebe kontribui ba dezenvolvimentu iha Timor Leste.
“Konfiansa ne’ebe ami hetan, ami sei responsablidade ho kapasidade ne’ebe iha sei hamosu rejulta ne’ebe diak, no sei lori esperansa ne’ebe diak mai iha Timor Leste”.
Grupo estudante Eskola Ensinu Baziku Central Katoliku Santo António Baucau nain neen ne’ebe mak ba tuir kompetisaun mak hanesan, Florbella Ezania da Silva, Angel Grace Costa de La Rosa, Felia Nisa da Costa, Silviana Cardoso Carlos, Florzinha Evander Correa da Silva no Leonardo Ricardo da Costa, Entertantu estudante sira sei tuir kompetisaun Siensia no Matematika iha ia no matematika iha Internasional Creativity and Innovation Aword (ICIA) tinan 2026 Cambodia, iha loron 24 to’o loron 26 fulan Abril tinan 2026.
Ekipa Kobertura : RCLM
