RCLM Baucau ( 23/03/2026)—Cruz Vermella Timor Leste ne’ebe koperasaun ho Governu liu husi Gabinete Apoio Sosiadade Civil, hodi kanaliza bee mos ba komunidade hamutuk uma kain atus ida resin, iha aledia Uatu-ua Suku Gariuai Postu Administrativo Baucau Vila Munisipiu Baucau ne’ebe inagura ona.
Prezidente Cruz Vermella Timor Leste Madalena Hanzan da Costa Soares hateten, sente kontente tebes tamba CVTL bele finaliza ona kanalizasaun bee mos ba benifisiariu sira kuaze atus ualu resin populasau, hodi bele utuliza ona ba nesesidade loro-loron.
Prezidente CVTL husu ba komunidade sira, kontinua kuidadu bee mos no halo manutensaun rutina, nune’e bele utuliza ba tempu naruk.
“Rekomendasaun ba komunidade sira atu halo manutensaun ba bee mos, liu-liu grupo maneja faselidade kontinua maneja orsamentu ki’ik husi uma kain ida-idak, hodi fo kontribuisaun no halo mos tarabandu ruma para koidau bee ne’e, hodi uza ba tempu naruk. Dehan Prezidente CVTL Madalena Hanzan ba jornalista sira sabadu fim de semana ne’e (21/03/2026).
Koordenador Gabinite Apoio Sosiadade Civil Joaquim da Costa Freitas agradese ba Parseria Cruz Vermella Timor Leste, ne’ebe mak bele ajuda Governu hodi halo kanalizasaun bee mos ba komunidade sira, iha area rular iha ne’ebe Gabinete Apoio Sosiadade Civil sei kontinua apoio CVTL, hodi servi Humanitariu iha Timor Leste.
“Ami sente kontente hanesan reprejentante Governu liu husi parseria CVTL ne’ebe ajuda ona Governu, liu-liu kanalizasaun bee mos ba area rurais i ohin loron hatudu tan progresu iha nonu Governu ba komunidade iha fatin ida ne’e, neebe bele asesu ona ba bee mos maibe GASC nia prejensa ohin mai ne’e halo inagurasaun bee mos ba komunidade ida ne’e”. Hatete Kordenador GASC
Reprejentante Komunidade Xefe Suku Gariuai Arlindo Freitas hateten, durante tempu naruk komunidade aldeia Uatu-ua infrenta problema hanesan Eletrisidade no Bee mos, maibe ohin loron Marka istoria foun tamba komunidade Uatu-Ua sira asesu ona eletrisidade no Bee mos.
“Agradese tebes ba Governu no CVTL tamba bele dada ona bee mos ba ami nia komunidade, tamba durante ne’e halerik ba bee mos no eletrisidade, maibe ohin loron sira asesu ona”. Haktuir Xefe suku Gariuai
Bee mos ne’ebe CVTL kanaliza husi bee matan galata area Venilale to’o iha Aldeia Uatu-Ua, kuaze kilometru Ualu resin ho orsamentu hamutuk rihun rua nolu resin sia, doleras amerikanu ne’ebe apoio hosi Gabinete Apoio Sosiadade Civil.
Ekipa Kobertura : RCLM
