RCLM Baucau (12/03/2026)—Sekretariu Estadu Kooperativa fo tomada de posse ba kooperativa Multi-Sektoral, hanesan wematan foun, knua kasmutu no Produsaun asunsaun iha Munisipiu Baucau.
Sekretariu Estadu kooperativa Arsenio Pereira da Silva hateten, Governu iha papel importante atu fasilita no apoio dezenvolvimentu iha seitor koperativa, tamba koperativa sira mak sai hanesan fonte rendimentu ba sustentabilidade familia no komunidade, no mos kontribui ba kresimentu ekonomia iha rai laran.
Sekretario Estadu Kooperativa dezafia Autoridade Munisipiu, postu to’o iha nivel suku atu enkoraja ema hotu-hotu atu involve iha movimentu koperativas.
“Koperativa tolu ne’e tuir nia capital ne’ebé boot ona, iha cem mill ítal ohin iha relatóriu ne’e, ba koperativa tolu ne’e ha’u hanoin ida ne’e capital ne’ebé boot, rekomendasaun sira ohin representante koperativa hato’o ha’u hanoin hanesan secoop pronto atu fasilita, tamba governu atraves tebes ho koperativa ninia papel maka atu regulariza atu fasilita atu apoia, atraves de programa sira ne’ebé iha, ezemplu ohin pedidu atu kontinua monitoriza apoia fasilita formasaun, ha’u hanoin ida nee’e importante tebes ne’e sai knár husi secoop ninian, para atu fasilita ba membru koperativa sira hotu.” Dehan Arsenio Pereira iha nia diskursu iha CCB Quarta Feira,11/03/2026
Reprejentante Prezidente Autoridade Munisipiu Baucau Juvinal Daniel Filipe Belo hateten, koperativa mak sai hanesan baze ekonomia popular, tamba ne’e husu ba grupo koperativa sira atu transparansia hodi koperativa ba oin.
“Imi tenke sai ezemplu iha kbi’it servisu nian, tenke mós iha transparensia no dedikasaun tomak, enkoraza imi nia membru sira atu labele baruk no hakiduk, tamba liu husi koperativa maka gradualmente ita bele hametin kbi’it finanseiro no sosial hodi hasoru desafiu global sira” Hatete Juvinal
Entertantu prezidente Kooperativa Multi- Sektoral We Matan Foun Martinho Locateli Ornei espera, grupu kooperativa tolu ne’e sei sai instrumentu ida ne’ebe importante, atu hadia ekonomia familia nian no kria oportunidade servisu no fortalese relasaun social iha komunidade.
“Ami nia koperativa tolu ne’ebé ohin simu tomada de posse nu’udar koperativa primaria husu ba exelentisimu secretaria estadu koperativa, atu tau matan mós mai ami no apoiu ami husi atividade formasaun, atu bele elevamentu koiñesementu membru no dezeñu sira nian atu bele organiza no selu koperativa atu garantia nia sustentabilidade, hodi kontribui ba desenvolvimentu sira iha Timor-Leste. Haktuir martinho.
Koperativa multi sektoral we metan foun husi suku Buibau ho nia membru hamutuk 71, enkuantu koperativa Kapital hamutuk rihun 75 resin mai husi poupansa inisial, poupansa obrigatoriu no administrasaun.
Koperativa multi sektoral produsaun Asunsaun husi suku Gariwai ho nia membru hamutuk 18, husi total membru ne’ebe mak iha koperativa iha capital, hamutuk rihun ida atus lima resin ne’e mai husi poupansa inisial, poupansa obrigatoriu no administrasaun.
Kooperativa multi sektoral husi suku Buruma ho nia membru hamutuk 35, total membru ne’ebe mak iha koperativa iha capital hamutuk rihun tolu nolu resin lima atus ualu resin, mai husi poupansa inisial, poupansa obrigatoriu no administrasaun.
EKipa Kobertura : RCLM
