RCLM Baucau (28/02/2026)—Sesta feira semana ne’e Nonu Governu Konstitusional, liu husi Ministeriu Planeamentu Investimentu Estratejiku lansa projeitu Uso do Solo iha Munisipiu Baucau, ho objetivo atu dezenvolve sidade Baucau bele sai hanesan fatin ne’ebe diak tebes, atu hela fatin servisu no mos dezenvolve ekonomia ho sustentavel no dezenvolve sidade Baucau, presiza tebes planu estratejia ne’ebe forte atu bele alkansa rejultadu ne’ebe diak ba futuru.
Ministeru Planeamentu Investimentu Estratejiku Gastão Fransisco de Sousa hateten, projeitu Uso do Solo ne’e importante tebes hodi prepra ba poder lokal, tamba ne’e husu ba Baucau Oan sira atu partisipa masimu iha konsulta publiku, ne’ebe konsultores sira hamutuk ho ekipa grupo traballu ne’ebe sei halo iha tempu tuir mai.
“Projeitu ne’e diak ba Baucau oan hau husu partisipa masimu iha kunsulta publikas sira ne’e, ne’ebe ke konsultor sira sei halo hamutuk ho ekipa grupo traballu husi Munisipiu para deside, hodi hadi’a dezenvolvimentu iha Baucau”. Dehan MPIE iha nia diskursu molok lansa projeitu Uso do Solo iha CCB sesta feira 27/02/2026
Prezidente Autoridade Munisipiu Baucau Veneranda Lemos hateten, depois lansa tiha projeitu Uso do Solo parte ekipa traballu sei halo konsulta publiku hodi defini area iha seitor hotu-hotu, iha Baucau tamba programa ne’e fo sustentabilidade ba komunidade sira.
“Ekipa grupo traballu sei halo konsulta publiku atu bele hare ita nia sidade atu la’o halo nusa tenke defini areas ba ida-idak ninian hanesan edifisius publiku, abitasaun sira, parkiran, ektasionamentu, entaun ita sei defini ho didiak atu ita nia sidade ne’e bele iha ordenamentu”. Hateten Veneranda
Entertantu Koordenador partidu Fretilin Munisipiu Baucau Abrão Gabriel de Oliveira hateten, Projeitu Uso do Solo ne’e konsidera importante, tamba planu dezenvolvimentu ba Kurtu prazu nian.
“Tamba sa mak ami partisipa, durante ne’e ema hotu hatene ami iha Baucau Prezidente Autoridade mos hatene konsellu Munisipal ami nunka partisipa, ami partisipa iha lansamentu ne’e tamba ida ne’e programa Kurtu prazu nian, partisipa para atu kontribui, para prepra ba futuru nian “. Dehan Abrão
Governu hamutuk ho Autoridade Munisipiu Baucau, estabelese ona ekipa Grupo traballu lokal ne’ebe sei sai hanesan motor prinsipal ba implementasaun planu Uso do Solo urbana Munisipiu Baucau. Enkuantu Grupo traballu ne’e kompostu husi sekretariu Asuntu Planu Investimentu Dezenvolvimentu Integradu Administrador Postu Administrativo, xefe do suku, Emprezariu inklui diretores lina sektorais iha Munisipiu Baucau.
EKipa Kobertura : RCLM
