RCLM Baucau (23/02/2026)—Koordenador Balkaun Uniku Munisipiu Baucau Euclides Ornai hateten, hahu husi loron 9 fulan Fevereiru tinan ne’e, Balkaun Uniku halo atendumentu hodi imprime Bileti Identidade orijinal ba sidadaun sira kuaze rihun ida resin, maibe dadaun ne’e, Balkaun Uniku labele halo atendimentu ba sidadadun sira tamba, sei halo manutensaun cleaning ba makina fargo, tamba atu imprime Bileti Identidade Orijinal sidadaun sira nia foto balun la mos.
“Informasaun ne’ebe mak ita pasa tiha ona iha kuadru ne’eba hahu ohin 23/02/2026 la halo atendimentu provizoriumente, tamba ita hakarak halo manutensaun Sceaning ga fase ba makina fargo Imprime BI original, atu nune’e labele estragus blanku tamba imprime ema balun nia naran la mos, foto la mos tamba imprime barak, ami sei fo informasaun bainhira imprime fali BI Orijinal”. Dehan Euclides Ornai ba jornalista sira iha Balkaun Uniku Munisipiu Baucau Segunda, 23/06/2026
Diretora Dirasaun Munisipal Konservatoriu Servisu Rejistu Notariadu Munisipiu Baucau, Justinha das Neves Mendonca hateten, makina Fargo iha Balkaun Uniku Avaria difikulta imprime Bilete identidade orijinal ba sidadaun sira, iha ne’ebe Servisu Notariadu Baucau hahu halo fali atendimentu, hodi imprime Bileti Identidade Provizoriu ba sidadaun sira.
“Ami sei fo provizoriu tamba ita hotu hatene katak konservatoriu makina fargo ne’e avaria kleur ona, importante mak sira uza trata sira nia dokumentus” hateten Diretora Dirasaun Munisipal Konservatoriu Servisu Rejistu Notariadu Munisipiu Baucau.
Entertantu Estudante UCT Vergina Pascoal Ximenes Mariz hateten, sente triste tebes tamba Balkaun Uniku labele halo atendimentu hodi difikulta sira, bainhira kompleita dokumentus iha Universidade.
“Ha’u mai atu trata billite identidade, maibe ema la atende tamba makina avaria, hau sente triste tamba prejuida ba hau nia dokumentus iha universitariu UCT, husu para hadia lalais para faselita ema ne’ebe mak presija BI orijinal hodi kompleita nia dokumentus”. Dehan Vergina
Maske Billeti Identidade orijinal atus lima iha Dirasaun Munisipal Konservatoriu Servisu Rejistu Notariadu Munisipiu Baucau, maibe labele imprime tamba makina fargo avaria durente tinan rua resin seidauk halo manutensaun.
Balkaun Uniku sei informa fila fali sidadaun sira bainhira halo tiha manutensaun ba makina Fargo, hodi bele imprime fali Bileti Identidade Orijinal atu bele faselita sidadaun sira.
Ekipa Kobertura : RCLM
