RCLM Baucau (20/02/2026)—Estudante Medicina husi Uiversidade Nasionál Timor Lorosa’e, realiza aktividade promosaun saúde ba kuidadu moras fuan no tensaun Arterial, ba membru Polisia Nasional Timor Leste Munisipiu Baucau nain 42, no detekta nain sanolu resin rua moras tensaun.
Reprejentante Medicina Vensêncio Manuel José Guterres rekomenda ba membru PNTL sira ne’ebé tensaun altu, hakbesik an ba fasilidade saúde hodi halo tratamentu, tamba moras tensaun ne’e risku tebes, derepente hetan atakasaun fuan no bele sai struck.
Nia hatutan membru sira ne’e hetan moras tensaun, tamba balun han mina barak demais no ai han ne’ebé bokur liu no balun ladun halo ezersissiu kada loron.
“Ohin ami mai iha ne’e nia objetivo normalmente iha Hospitál ne’eba PNTL sira maioria sira moras tensaun, tamba ne’e mak ho inisiativa ida ne’e i ami servisu hamutuk ho komando depois ami mai iha ne’e koko tensaun, no ohin ita konsege koko sira hamutuk 42 orang, liu husi 42 orang ne’e ita detekta nain 12 mak moras tensaun, tamba ida ne’e maka ita rekomenda ba sira para atu nune’e bele ba iha Hospitál hodi nune’e kontrola sira nia moras, tamba dala barak liu sira la dun hetan informasaun entaun sira sente katak buat sira ne’e diak hela, maibe derepente balun hetan struk balun hetan serangan jantung, ho razaun hirak ne’e mak ami mai iha ne’e detekta sira nia tensaun”. Dehan Medicina UNTL ba jornalista iha resintu komando PNTL Baucau sesta, 20/02/2026
Komandante PNTL Muninisipiu Baucau superintendente João Sancho Pires hateten, aktividade promosaun saúde ne’ebe realiza iha komando ne’e importante tebes, atu nune’e membru sira bele halo tratamentu saúde, bainhira hetan moras tensaun no moras sira seluk.
“Doutor Rodrigues hamutuk ho estudante medicina UNTL sira, mai para koko tensaun ba menbru sira iha kuartel, tamba menbru PNTL hotu-hotu servisu barak liu, la kuida sira nia saúde tamba ne’e komando kordena ho sira para mai koko ami nia moras husi komando to’o iha kraik foti sira nia tensaun, se tensaun diak kontinua hela se tensaun mak sae maka’as sira kontaktu hela para ba tratamentu iha HoREX Baucau, tamba saúde iha ita nia liman rasik, servisu mos ita la’o maibe ita mos kuidadu ita nia an tamba ne’e mak ami halo cek up no ba oin bele mos hasai ran” hatete Komandante PNTL Munisipiu Baucau.
Komando PNTL Munisipiu Baucau fo lisensa ba membru sira ne’ebe hetan moras tensaun bele ba halo tratamentu saúde iha Hospital Regional Eduardu Ximenes Baucau, maibe kontinua hala’o servisu hanesan bai bain.
Enkuantu aktividade promosaun saúde ba kuidadu moras fuan no tensaun Arterial ba membru PNTL sira durante loron ida, ne’ebe realiza iha salaun treinamentu komando PNTL Munisipiu Baucau.
EKipa Kobertura : RCLM
