RCLM (20-02-2026)—Ajensia Planeamentu Munisipal Baucau, faselita treinamentu refresaun ba pontu fokal husi Administrasaun Postu Administrativu ualu, no Servisu Munisipal sira kona-ba prepasaun Planu Asaun Annual (PAA) tinan 2027.
Diretor Ajensia Planeamentu Munisipál Baucau Fransisco Xavier da Silva Guterres hateten, liu husi treinamentu refresaun ne’e pontu fokal husi Administrasaun Postu Administrativu ualu, no Servisu Munisipál sira aumenta koiñesementu kona-ba narativa planu tinan 2027 no nia orsamentu, alende ne’e prensementu kuantidade PAA no finasia ba atividade ho indikador no metas.
Treinamentu refresaun ne’e, introdúz mos kona-ba relatoriu dezempeñu no orsamentu subvensaun públiku no tranferensia publiku, husi programa merenda eskolar, programa nasional dezenvolvimentu suku (PNDS), no organizasaun noun Governamentál ONG, kada trimestrál hodi inserta iha sistema.
“Ita fó kompetensia no koñesementu ba ema, kuandu tama ona desentralizasaun administrativu no poder lokál nia, hatene ona tamba buat hotu sistematiku no eletroniku, sé ba manual dalan laiha ona, entaun agora prosesu prepasaun no kna’ar ajensia planeamentu nian ba sira ida ne’e, parte ida preparasaun ba desentralizasaun administrativa no poder lokál,” hateten Diretor Ajensia Planeamentu Munisipal Baucau iha salaun Apuramentu vila nova sesta ne’e.
Administradora Postu Administrativu Vemasse Elda Maria Viegas de Sousa Freitas konsidera, treinamentu refresaun importante tebes, tamba bele hasa’e koñesementu hodi mellora servisu iha Postu Administrativu sira, tuir matadalan husi Ministeriu Administrasaun Estatál.
“Planu asaun anuál la’os buat foun ba pesoál iha Ministeriu Administrasaun Estatal, tamba kada tinan ita sempre halo maibe formalmente ita aprende tenke hakle’an bei-beik, hodi halo di’ak liu tan, ida ne’e xefe servisu no xefe departamentu sira presiza aprende tanba sira balun foun,” hateten APA Vemasse.
Enkuantu treinamentu refresaun PAA 2027 hala’o durante loron ida, no partisipante hamutuk hitu nolu.
Ekipa Kobertura : RCLM
