RCLM (17/02/2026)—Relasiona ho kondisan igreija Paroquia Santa Terezinha do Menino Jesus Quelicai, Munisipiu Baucau ne’ebe ameasa atu monu, tempu besik Bispu Diocese Baucau Don Leandro Maria Alves sei haruka ekipa tekniku husi Diocese Baucau nia, atu ba halo levantamentu hodi halo rehabilitasaun.
Don Leandro Maria Alves rekoñese igreija Paroquia Quelicai kondisaun aktual grave duni, iha ne’ebé presija atu halo rehabilitasaun.
“Los duni kuandu ba vizita ne’eba hodi halo ordenasaun ba Diakonu, hare duni kona ba kondisaun ida ne’ebé mak la diak duni, maibe husi parte Diocese ninian depois sei haruka tekniku ba para hodi hare rehalidade ne’ebé iha ne’eba atu nune’e tekniku sira mak hatene liu tan bele hare nia at ne’e halo nusa, hadia halo nusa tekniku sira foti tiha dadus sira ne’e maka hafoin ita bele hare desijaun ba oin parokia nian ne’e atu halo oinsa, no hau sei informa ba sira tekniku sei ba hare iha tempu badak nia laran”. Dehan Bispu Diocese Baucau Foin lalais ne’e.
Bispo Diocese Baucau husu ba Padre Paroku, karik kondisaun igreija fo amesa ba sarani sira, diak buka fatin seluk hodi selebra misa.
“husu ba Amu Vigario, Amu Paroku no mos responsavel ne’eba, primeiru ita hare ita nia kondisõen igreija nian, hodi hare ita nia kondisaun diak para atu uza ga lae, se kondisaun ne’ebé mak fo trauma ga fo tauk mai ita, diak liu ita kolia ho sarani sira buka espasu ida ne’ebé mak seguru hodi bele selebra misa agora, depois mak husu paroku sira hakbesik an mai Diocese atu bele kolia hamutuk atu nune’e ita bele hare dala oinsa atu hare ba edifisiu igreija Quelicai ninian”.
Tuir observasun jornalsita iha tereinu nota katak, rai komesa monu no moru protesaun mos dadaun ne’e nakfera hotu ona hodi fo amesa ba igreija bele monu bainhira tempu udan, enkuantu iha tempu domingu kontinua halo selebrasan misa iha igreija laran.
Ekipa Kobertura : RCLM
