RCLM Baucau (05-02-2026)—Formandu lian Inglés etapa primeiru hamutuk na’in-24, simu sertifikadu apresiasaun husi sentru treinamentu Assosiasaun Ramelau Oan Moris Domin Timor-Leste (AROM-TL) iha Munisipiu Baucau.
Prezidente Konsellu AROMD-TL Luis Ximenes Soares hateten, formandu sira ne’ebe simu sertifikadu apresiasaun tamba finaliza ona formasaun lian inglés level primeiru nian durante fulan tolu, iha sentru treinamentu Assosiasaun Ramelau Oan Moris Domin Timor-Leste, ramu iha Munisipiu Baucau.
Prezidente Konsellu AROMD-TL avalia, formandu sira iha koiñesementu dalen inglés hodi kompete iha merkadu servisu rai laran no rai liur.
“Sira iha ona koiñesementu ne’ebé naton hodi responde ba servisu mosu karik, governu kria liu-liu iha rai laran ba joven sira ne’ebé hetan oportunidade, tamba valór sira ita fó tenke iha koiñesementu no komprende hafoin hetan sertifikadu rekoiñesementu ba nia prezente durante fulan tolu,” dehan Luis iha sentru formasaun AROMD-TL Watulete Suku Tirilolo Buacau kinta ne’e.
Diretor SEFOPE Munisipiu Baucau Roumaldo António de Souza apresia ba AROMD-TL, tamba estabelese sentru formasaun iha Baucau hodi fo kapasita joven sira iha area lingua ingles, ne’ebé konsidera importante tamba atu kompete kampu serbisu rai liur no rai laran presiza hatene inglés.
“Husu ba sentru ne’e kontinua nafatin halo kapasitasaun ba ita nia joven sira tantu rai laran nomos rai li’ur, hanesan Nova Zelándia, Austrália, tamba ne’e língua inglés importante liu faselita ita halo komunikasaun,” esplika Roumaldo.
Reprezentante formandu Cristiano Gusmão sente orgullu simu sertfikadu husi rezultadu formasaun fulan tolu, no hetan koñesementu lingua ingles hodi kompete ba kampu servisu.
“kontente tamba durante fulan tolu ami esforsu hamutuk formadór sira, ohin hetan susesu ka rezultadu no prontu ona atu apply vaga karik oportunidade ba rai li’ur no rai laran nian,” dehan Reprezentante Formandu.
Enteetantu formandu na’in 24 ne’ebe simu sertifikadu level primeiru kompostu feto na’in-15, no mane na’in-9. Hafoin remata distribuisaun sertifikadu abertura kedas formasaun faze segundu tinan 2026.
Hola parte iha sermonia ne’e, mak hanesan Prezidente Konsellu AROMD-TL ho estrutura, Diretor SEFOPE Baucau,s egundu komandante PNTL Munisipiu no formadores sira.
Ekipa Kobertura RCLM
