RCLM Baucau (28/01/2026)—Iha loron 23 fulan Janeiru tinan 2026, saudozu Justino Madeira Encamação mate ho idade 85 iha nia rezidensia Uaidasu Aldeia Quele-Boru-Wai suku Uma-Ana-Iku Postu Administrativo Venilale Munisipiu Baucau tamba moras komplikadu.
Familia saudozu Manuel Coelho Silva Sarmentu hateten, Sente triste tebes tamba saudozu mos sakrefika an ba luta indepedensia, maibe nia pensaun hetan deit 3 a 7, tamba ne’e nudar reprezenta familia husu ba konsellu kombatente libertasaun nasional atu aprova nia pensaun ba 8 a 14 tamba nia luta ba indepedensia mos makas tebes.
“Ami familia oan kiak feto faluk hakarak rekomenda ba CCLN munisipiu Baucau atu tau matan no ajuda ema ida hanesan ne’e, tamba ema ne’e terus mos ba rai ida ne’e, se karik naran ne’e mak taka sai ona karik ajuda nia tamba nia pensaun ne’e mos sei tau hela ba nia oan nain 10 ho nia fen kaben hodi sustenta nia moris loro loron”. Dehan Familia Saudozu iha Semiteriu Quele Boru Wai Domingu, 25/01/2026
Komisaun CCLN Postu Venilale Antonio Pereira Samodok hateten, nudar komisaun CCLN venilale la taka matan hodi esforsu an, atu nunee saudozu bele hetan pesaun 8 a 14 tamba nia mos luta nain ida ba rai Timor leste.
“Tamba postu 3 halo ona verfikasaun postu seidauk hanesan Venilale, Vemasse no Baucau vila, tamba ne’e husu ba fimilia sira atu hakbesik an ba konsellu postu para ninian ne’e buka tuir prosesu ne’e to’o iha ne’ebe tamba konsellu sei la taka dalan no matan sei la dukur tamba saudozu nia servisu ba rai ida nee duni, subar iha ailaran, lori kilat ba ai laran, kastigu tuku tebe tamba ne’e ita bolu dedikasaun eskluzivo”.
Biografia saudozu Justino Madeira Encamação hahu ka’er kilat iha loron 7 fulan dezembru 1975 to’o iha tinan 1987, Baze apoio rahun saudozu tun mai vila hetan persigisaun no hetan kapturasaun iba loron 25 fulan outubru 1979 hodi kastigu iha Koramil Venilale.
Depois de kastigu saudozu halai sai husi fali prizaun preventiva iha loron 10 fulan dezembru 1979, no kaer fali kilat iha loron 1 fulan janeiro 1981, iha momentu ne’eba forsa Indonesia ka’er fila fali saudozu iha 13 fulan outubro 1981 kastigu to’o fali loron 4 junu 1987 iha koramil Metinaru no forsa Indonesia entrega fila fali familia iha Dili, durante hela ho familia tenke aprezenta an obrigatoriu ba forsa Indonesia ne’ebe destaka iha koramil Bekora kada semana durante fulan 3.
Durante saudozu hela iha Dili involve an iha sub Kaixa Kladestina Grupo Dirijente Halibur 001 ho Grupo 001 (Waitaka 9), iha loron 2 março 1992 to’o 30 agustu 1999.
Saudozu Justino Madeira Encamação husik hela nia oan nain 10 no nia fen kaben.
EKipa Kobertura : RCLM
