RCLM (26-01-2026)—Progresu Projeitu Programa Dezenvolvimentu Integradu Munisipál (PDIM) tinan 2025 hamutuk 10 implementa iha Munisípiu Baucau atinji 84,90%.
Diretor PDIM Baucau Carlos Alberto Guterres hateten, projetu sanolu ne’e kompostu husi konstrusaun no reabilitasaun edifísiu eskola, konstrusaun rezidensia pesoál Saúde, konstrusaun postu Saúde, konstrusaun sala maternidade, konstrusaun edifísiu servisu programa Planeamentu Intergadu Munisipál, arterajem merkadu Munisipál iha área Tuanau.
Carlos hatutan, enjineiru servisu Munisípál Programa Dezenvolvimentu Integradu Munisipál kontinua esforsu halo monitorizasaun ba projetu sira iha terenu no komunika empreza sira, orienta traballador bele aselera servisu atu finaliza iha fulan maiu tinan ne’e.
“Konstrusaun postu Saúde Lelalai mak tarde oituan (79,50%), maibe ami ho enjineiru sira nafatin kontaktu no halo monitorizasaun ba responsabilidade projetu sira ne’e, sé la aselera nia impaktu ba retensaun nian,” Dehan Diretór PDIM iha kna’ar fatin Administrasaun Munisipál vila Nova.
Nia akresenta, projeitu hirak ne’e bainhira finaliza sei benifisia ba komunidade sira, tamba proposta mai husi proponete komunidade liu husi lideransa Komunitáriu iha aldeia no suku.
“Projetu PDIM 2025 hamutuk 10 mak hanesan konstrusaun uma ba pesoál Saúde iha sentru Saúde Ossoqueli responsavel husi kompaña Nelfeh konstruction unip.Lda valor kontratu $114,999.40 progresu fiziku 90%, konstrusaun uma maternidade sentru Saúde Uailili responsavel kompña Caidarlata unipesoal.Lda valor kontratu $ 206,638.79 progresu fiziku 96.94%, konstrusaun uma pesoal Saúde Afaça responsavel husi kompaña Joeefem Unip Lda valor kontratu 127,657.79 progresu fiziku atinji 70.54 %.
Reabilitasaun eskola terseiru siklu Aslarigua responsavel husi kompana Unidade Constuction Lda hovalor kontratu $77,297.04 no progresu fiziku 90.83%, konstrusaun edifisiu eskola bazika filiál Uaikulo Abafala responsavel kompaña Sangugu Estar Unip.Lda ho valor kontratu $ 87,580,19 pregresu fiziku 91.02%.
Konstrusaun Postu Saúde Lelalai responsavel husi kompaña Omega konstrution Lda, valor kontratu $ 221,805.77 progresu fiziku 79.50%, konstrusaun uma ba pesoal saude Laisorulai de Cima responsavel kompaña Nagi Lda valor kontratu $15,428.73 progresu fizik 95.82% , konstrusaun postu saude Buibata Larimutu Turulolo no Desagua responsavel Bik Unipesoal Lda.valor kontratu $188,485.16 progresu fiziku 100.00%.
Alende ne’e projeitu poupansa hamutuk rua hanesan konstrusaun foun edifisiu ba Servisu Munisipal Programa Integradu Dezenvolvimentu responsavel husi kompaña Bioniosio Aquinos Unip Lda valor kontratu $ 87,245.93 pregresu fiziku 34.02%, Ateru rai iha merkadu munisipal Tuanau Baucau responsavel husi Albatros Unip Lda. Valor kontratu $ 7,165.74 atinji 100,00%.
Enkuantu projetu PDIM 2025 implementa iha Munisípiu Baucau sanolu, nia orsamentu hamutuk $1,293,509.80.
Ekipa Kobertura : RCLM
