RCLM Baucau (12/12/2025)—Bispu Diocese Baucau Dom Leandro Maria alves hateten, husu ba sarani sira bainhira halo prezepiu iha fatin publiku presija respeita hodi labele hemu tua iha laran, toba no toka muzika ne’ebe lapropriadu iha laran, tamba prezepiu fatin ne’ebe mak hakmatek hodi ema hotu espresa nia fiar ba Na’i Jesus Kristu.
Amu Bispu hatutan dalaruma igreija bandu sarani sira labele halo prejepiu iha dalan publiku, tamba la kria pas no estabilidade.
“Sim ida ne’e importante tebes laos ita halo prezepiu, maibe halo prezepiu iha fatin publiku sira ne’e laos natal ne’e hanesan buat festa fofana ninian deit la’e, laos mai haksolok deit toka fali musika sira ne’ebe mak la apropriadu ba iha momentu sira hanesan natal ninian ou la’os fatin ne’eba ita atu hemu ka lanu ninian la’e, maibe ita buka fatin ne’e atu fatin ne’ebe mak espresa ita nia fiar ne’e duni ita buka hateke ba fatin ne’e atu fanu ita fo hanoin ita mai moris iha ita an, ne’e duni Na’i mai moris ita nia an ne’e lori saida lori ita haksolok lori mai ita paz no fain ne’ebe hakmatek la’os fatin ne’e kria fali konflitu”. Dehan Dom Leandro Maria Alves iha Kadral Diocese Baucau.
Dom Leando alves haktuir katak, dadaun ne’e tama ona segundu adventu nian tamba ne’e husi ba sarani sira atu prepara an didiak hodi soin duni festa Natal no tinan foun.
“Momentu agora ne’e momentu adventu hela adventu ne’e katak ita prepara ita nian an hein ba ita nia Nai Jesus Kristu ne’ebe mak atu mai ne’e duni tempu natal tempu preparasaun ninian, maibe ita mos hare ita nia bairo sira ita nia joven sira komesa halo preparasaun liur ninian, ne’ebe mak atu hatudu selebrasaun festa Natal ninian ba ita Na’i Jesus Kristu atu mai, ita hein katak preparasaun ida ne’e bele mos mai espritual ninian buka hamos uluk ita nia fuan ba moris loro-loron nian”.
Diocese Baucau liu husi paroquia sira komesa halo ona preparasaun liu liu ba fiar espiritual nian, atu oinsa halo atendimentu ba konfensoens sira retiru no seluk tan, hodi sarani sira bele sente festa Santo Natal no tinan foun.
Ekipa Kobertura : RCLM
