RCLM Baucau (28-11-2025)—Iha ámbitu komemorasaun Aniversáriu Loron 28 Novembru Proklamasaun Independensia unilaterál ba dala -50, Governu liu husi Ministra Edukasaun, enkoraja povu Baucau kria unidade hodi kontribui ba dezenvolvimentu Nasionál.
Hafoin remata içar Bandeira Ministra Edukasaun Dulce de Jesus Soares hateten, save ba dezenvolvimentu ema hotu presiza kria paz no unidade inklui halo komunikasaun di’ak ho entidades hotu hodi hatutan luta nain sira nia obra.
”Presiza tebes ita servisu hamutuk no iha unidade ida ne’e mak sai save importante ba ita fó liman ba malu hases ita nia difirensia sira hotu hanoin ida de’it ita hakat ba ita nia luta nain sira nia vida liu husi sira nia sofrementu oin-oin husi juventude no kamada sosiál oin-oin ne’ebé mak kontribui ba luta ukun rasik an ida ne’e, ita nia kna’ar priense ukun rasik an liu husi ita ida-idak nia servisu,” dehan Ministra Edukasaun Dulce ba Jornalista sira iha Administrasaun Munisipál Baucau sesta (28-11-2025) foin remata prezide içar Bandeira RDTL.
Governante ne’e apresia Autoridade Munisipál Baucau tamba organiza selebrasaun Aniversáriu Proklamasaun Unilateral Independensia ba dala-50 hetan partisipasaun husi Autoridade sivíl, seguransa, funsionáriu estadu inklui estudante universitariu no anima ho animasaun drama no dahur.
”Programa la’o di’ak tebes iha mos aprezentassun husi grupu juventude (Filteda) hodi harame liu tan no iha selebrasaun ne’e distribui mos sertfikadu ba manán na’in sira husi nivél suku no Ministériu Edukasaun aproveita iha ambitu komemorasaun 50 anos Proklamasaun Indepedensia distritu kadeira no meza ba diretor eskola sira no sei akontese ba Munisípiu sira seluk,” Ministra Edukasaun akresenta.
Prezidente Autoridade Munisipiu Baucau Veneranda Eurico Lemos Martins afirma, Komemorasaun Proklamasaun Independensia Unilateral ba dala-50, hetan orientasaun husi governu liu-liu Ministériu Administrasaun Estatál hodi hatudu potensiál Baucau nian hanesan produtu lokál, Uma Tradisionál, kompetisaun dansa Tradisionál iha Nasionál no iha Munisípiu Baucau organiza feira produtu lokál, no ikus sei animasaun konsertu múzika.
”Baucau iha nia potensiál rasik iha kulinaria, uma tradisionál, produtu lokais, kulinaria tradisionál no dansa tradisionál iha kompetisaun agora ita hein rezultadu ho ksolok no taridu liután tamba Baucau liu ka lae, mais ha’u fiar Baucau aprenzenta buat di’ak lakon ka manán la’ós importante, importante ita nia partisipasaun hodi hatudu ba Munisípiu sira seluk katak Baucau iha nia potensiál ka rikusoin rasik atu hatudu, iha Baucau ita aprezentasaun feira bai-bain Baucau sempre aprenzenta, depois arear Bandeira loraik konviviu komunidade no tiru fogestes,” dehan PAM Baucau.
Entertantu, Aniversáriu Loron 28 Novembru Proklamasaun Independensia Unilateral dala-50 tinan ne’e iha Baucau, hahú misa agradesementu iha igreija katedral vila Antiga, feira produtu lokál, Içar Bandeira Nasionál RDTL, animasaun dahur no seluk tan.
Ekipa Kobertura: RCLM
