RCLM Baucau (25-11-2025)—Ministériu Interior liu husi Autoridade Protesaun Civíl (APC), realiza worskhop iha Munisípiu Baucau hodi eleva koñesementu kargu xefia, funsionáriu APC no lideransa suku balun husi Munisípiu Lautém, Viqueque no Baucau, kona-ba avaliasaun lakon no estragus husi dezastre naturál.
Apoiu Tékniku Profisionál APC Nasionál Serafim da Costa hateten, liu husi worskhop avaliasaun ne’e futuru Autoridade Protesaun Civíl ho Autoridade Suku inklui linas sektorais halo avaliasaun ba lakon no estragus la’ós ba infrastrutura de’it, maibé avalia mos valór ekonómiku, sosiál no seluk tan.
“Atividade workshop ne’e Ita halo planu mai oin tamba durante ne’e ita la halo avaliasaun ba buat sira selu-seluk Ita fokus deit ba uma komunidade, afinál edifísiu sira ne’ebé afeta husi dezastre ita la halo avaliasaun no estimasaun no oinsa planu ba oin fatin dezastre akontese ona komunidade labele halo Uma, inklui kada misterius labele hari edifisiu” dehan Serafim ba Jornalista sira iha Salaun Apuramentu Munisípiu Baucau segunda (24-11-2025).
Fatin hanesan Xefe suku Bibileo Postu Administrativu Viqueque vila, Munisípiu Viqueque Moises Acasio da Costa Pinto agradese ba governu liu husi APC no UNDP tamba kapasita sira hodi avalia lakon no estragus kauza husi dezastre naturál.
“Tinan-tinan Suku Bibileo sempre hetan afetadu dezastre inundasaun relasiona ona populasaun hela iha kraik mota husi fali leten, i kestaun ne’e xefe suku hato’o ona proposta atu halo barajen, maibe seidauk hetan resposta,” dehan xefe suku Bibileo.
Entertantu atividade workshop ne’e halo durante loron tolu iha Salaun Apuramentu Munisípiu Baucau no apoiu husi UNDP, partisipante sira kompostu funsionáriu no xefe departamentu Autoridade Protesaun Civíl inklui xefe suku na’in tolu kada Munisípiu.
Ekipa Kobertura : RCLM
