RCLM-Baucau (29/07/2026)—Centru Solidaridade Sosiál no Inkluzaun (CSSI) Munisipiu Baucau, rejista benifisiáriu hosi programa bolsa da mãe hamutuk rihun rua atus haat tolu (2.403), kompostu husi Postu Administrativu ualu hanesan, Postu Baucau vila, Baguia, Laga, Matebian, Quelicai, Quelicai Antigu, Vemasse no Venilale.
Pontu Fokál Programa bolsa da Mãe iha Centru Solidaridade Sosiál no Inkluzaun Munisipiu Baucau, António Carvarinho da Costa relata, hosi totál benifisiáriu 2.403 ne’e, Governu liuhosi Ministériu Solidaridade Sosiál no Inkluzaun hamutuk ho Banku Nasionál Komérsiu Timor-Leste (BNCTL sígla portugés) iha fulan Juñu foin lalais ne’e, halo ona pagamentu maiória ba benifisiáriu sira, falta na’in- 31 mak seida’uk simu direitu tanba, tutor ka kuidador benifisiaru sira presiza kompleta dokumetus hanesan kartaun eleitorál no Billenti Identidade iha BNCTL.
“Dadus ba Munisipiu Baucau tinan 2026 ne’e hamutuk 2.403 inklui ona sira 23 pesoas seida’uk hetan pagamentu, sira simu ona pagamentu kuaze 95% hela 5% mak seida’uk pagamentu, tanba ita nia tutor sira ne’ebé seida’uk kompleta doumentus nesesáriu husi ita nia banku, orsamentu Governu prevé ba benifisiáriu sira iha Munisipiu Baucau $ 539,670.00,” hateten António ba RCLM iha nia kna’ar fatin vila nova kurta ne’e.
Pontu Fokal programa bolsa da mãe CSSI Munisipiu Baucau esplika, Ministériu Solidaridade Sosial no inkluzaun implementa programa bolsa da mãe iha tinan 2008, hodi apoiu orsamentu kada tinan ba labarik benifisiáriu komesa eskola ensiñu báziku primeiru siklu to’o ensiñu sekundariu kada fulan dolár amerikanu lima ($ 5,00), maibe kontinuasaun nonu governu MSSI halo primeiru alterasaun lei númeru 3/2024 03 janeiru no halo mudansa pagamentu benifisiáriu.
“Benifisiáriu ensiñu sekundariu (SMA) subsidiu fulan ida $ 10,00 ensiñu báziku terseiru siklu (SMP)$ 9,00 primeiru no segundu siklu (SD)$8,00, maibe ita nia alin sira sai ona benifisiáriu make ma ho nesesidade espesiál (difisiénsia) iha tan adisionál $ 5,00 hodi aumenta ba sira nia subsidiu kada mesal,” akresenta António.
Fatin hanesan, Diretor Sentru Solidariedade Sosial no inkluzaun Munisipiu Baucau Albino Nicolão Freitas afirma, apou subsidiu ne’e ho objetivu atu inan-aman utiliza sosa nesesidade hanesan kadernu, laprizeira farada o seluk ba oan hodi kontinua estudu.
“Ne’e orsamentu naton ida atu faselita ita nia labarik sira hola netik nesesidade eskola nian, tanba ne’e husu inan-aman benifisiáriu kontinua motiva oan sira eskola,” Diretór CSSI Baucau apela.
Enkuantu prosesu kandidatu sira atu asesu ba programa bolsa da mãe liuhusi identifikasaun Autoridade Lokál aldeia no suku ba nia komunidade ne’ebe forma uma-kain ho oan barak, maibe laiha rendimentu ekonomia atu susteta ba eskola hafoin submete dadus no dokumentus prinsiapal hanesan inan-aman ka kuidador sira nia sertidaun baptizmu ou RDTL, Kartaun Eleitoral, Biliti Identidade, kandidatu benifisiariu halo karta deklasaun husi eskola ne’ebé validu, sertidaun RDTL ou Baptizmu no fixa familia hafoin submete ba kordenador no tekniku sentru solidaridade postu no enkamina ba Munisipiu to’o Ministeriu halo avaliasaun priense kritériu mak bele hetan aprovasaun, hodi hetan subsidiu programa bolsa da mãe husi Governu.
Ekipa Kobertura : RCLM
