RCLM Baucau (23/06/2026)—Ministeriu Obras Públika (MOP) hamutuk Institutu Gestaun Ekipamentus Apoiu Dezenvolvimentu Infraestrutura (IGEADI) Instutu Públiku, planeia tempu besik sei mobiliza ekipamentus pezadus, hodi normaliza estrada ne’ebé kotu totál iha mota Baçar-Uai suku Hae-coni Postu Administrativu Baguia, tamba kauza husi udan boot ankontese iha fulan abril no maio.
Xefe Departamentu Manutensaun no Konservasaun Estrada Pontes, Rogerio da Costa Freitas hateten, dadaun ne’e Ministeriu obras publika esforsu kordena IGEADI no iha posibilidade semana oin komesa destaka ekipamentus pezadus normaliza estrada ne’ebe kotu iha mota Baçar-Uai, hodi faselita movimentasaun transporte púubliku no privadu.
“Iha Baguia Hae-Coni Estrada (kotu) agora dadauk ita hamutuk ho IGE atu ba atende semana oin hanesan ekipamentus bele to’o ona fatin, ita halo oinsá atendementu temporariamente asesu komunidade la’o hela, depois ita planu ba ponte no estrada di’ak,” dehan Xefe Deparamentu Konservasaun estrada no Ponte ba Jornalista sira iha salaun Servisu Munisipal Obras Publika Vila Nova Baucau” hateten Regeiro da Costa Freitas.
Rogerio dehan, semana ne’e MOP-IGEADI seida’uk bele destaka ekipamentus pezadus hodi normaliza, tamba dadaun ne’e sei noramaliza uluk estrada iha Munisipiu Viqueque.
“Semana ida ne’e ekipamentus sei iha Viqeque, semana oin ekipamentus to’o ona terenu,” akresenta Xefe Departamentu Konservasaun Estrada no Ponte.
Enkuantu, estrada iha mota Baçar-Uai kotu totál iha fulan maiu liuba to’o agora transporte motor no kareta labele asesu ba aldeia Uaiboru suku Hae-coni, suku Osso-huna,mAfaloicai no Postu Uatucarabau Munisipiu Viqueque, komunidade volunutaria halo ponte tradisionál hodi faselita komunidade no estudante asesu bainhira korente mota boot.
Ekipa Kobertura : RCLM
