RCLM Baucau (18/06/2026)—Motorista Mikrolete diresaun Laga ba Baucau vila no Autoridade suku Buruma, husu Ministériu Obras Públika urjenti halo normalizasaun estrada iha área Siabailale baliza entre suku Buruma no Caibada Makasa’e postu administrativu Baucau vila, ne’ebé hetan estragus no monu kauza husi rai halai foin lalais ne’e.
Motorista Mikrolete Caitano Barreto Moniz hateten, relasiona ho estrada públiku hetan estragus no monu, difkulta sira nia movimentu tula pasazeirus tamba bele akontese asidente, kondiasaun ne’e nia ejize Ministériu Obras Públika emidiata halo mantensaun nune’e fasilita movimentu transporte públiku no privadu ho seguru.
“Dalan ne’e hau liu tula sasán nakonu kareta halis tiha, tamba grave duni aat hanesan ne’e lalika hateke de’it tamba taxa ita selu liu dalan ne’e,” motorista Mikrolete Caitano hateten preokupasaun ne’e iha estrada públiku área Siabailale kinta ne’e.
Xefe suku Buruma, Liborio dos Santos Freitas observa, kondisaun estrada nasionál Dili Lautém no liga ba Postu Administrativu, Munisípiu Baucau nian, iha área Siabailale baliza Buruma no Caibada Makasa’e, hetan estragus grave kauza rai halai difikulta movimentu transporte, alende ne’e afeta mos ba kanál irigasaun tradisionál ne’ebé durante ne’e fornese bee ba natar suku Caibada, tamba ne’e sujere Ministériu relevante atu sulusiona.
“Iha fatin ne’ebá (Sibailale) rai nakfera barak demais tamba ne’e ameasadu kuandu bee la asegura ho di’ak nafatin impaktu ba rai nafatin halai, no impaktu ba estrada ne’ebé agora dadauk aat tamba ne’e estrada ho bee dalan rezolve dala ida ne’e ami nia sujetaun la rezolve lalais fó impaktu makas ba ita nia estrada nasionál,” hateten Xefe suku Buruma.
Liga kestaun ne’e, Tékniku Destakadu Ministériu Obras Públiku iha Munisípiu Baucau Mateus Freitas konfirma, hafoin estrada área Siabailale hetan estragus sira halo kordenasun kompaña Jova, provizório ateru ona rai hodi fasilita movimentu transporte públiku no privadu. Alende ne’e, sira ho tékniku nasionál observa direta estrada ne’ebé estragus área refere sei halo dezeña tipografia trasa ba planu halo mantensaun.
“Ne’e akontese kuaze semana ida ne’e nia laran rai tun makás hanesan ne’e, maibe antes ne’e iha ona sinál, ita nia intervensaun halo husu hela apoia ba kompaiña Jova ne’ebé halo hela ita nia estrada urbana ne’e horesik lori hela materiál ba ita halo intervensaun ne’eba, kona ba prosesu kontinuasaun iha loron (16/06/2026), ami ho xefe sira husi nasionál ba terenu hare ona ekipa nasionál halo nia tipografia halo konstrusaun permanente iha ne’ebá, foin dadauk ateru ne’e ita husu ajuda para provizória faselita movimentu transporte,” dehan tékniku MOP destakadu Munisipiu Baucau.
Enkuantu estrada ne’ebé estragus no monu kauza husi rai halai iha área Siabailale, nu’udar estrada nasionál diresaun Dili ba Lautém inklui Postu Administrativu Baucau vila, Baguia, Laga, Quelicai, Quelicai Antigu no Matebian.
Ekipa Kobertura : RCLM
