RCLM Baucau (10/06/2026)—Autoridade Munisipiu Baucau liu husi Sekretario Munisipal Administrasaun Finansas Juvinal Daniel Filipe Belo, husu agradese ba Sekretariu Estadu Protesaun Civil, tamba apoio ona material rekoperasaun ba Vitima sira, hodi bele konstrui fali uma sira ne’ebe hetan estragus iha Munisipiu Baucau.
Juvinal hatutan iha tempu badak Autoridade Munisipiu, sei kordena ho Governu Sentral atu halo akordu entre Ministerial, hodi delega kompetensia tomak ba Autoridade Munisipiu, hodi bele atende lalais komunidade sira ne’ebe hetan dezastre naturais.
“Iha dekreitu lei ne’e hateten katak liga ho dezastre naturais iha sub tolu maka entrega mai hanesan insediu florestal, manutensaun reparasaun, no risku dezatre naturais iha ona dekreitu lei, maibe atu klaru liu tenke iha tan kontratu entre ministeriais para enterga faselidade ne’e hotu, atu ami bele atende hotu atu bele fo forsa ba ami, para bele hato’o proposta kada anual ba governu sentral karik bele ami iha ona sasan sira ne’e bele atende lalais ona, tamba ne’e tinan hirak liu ba to’o agora ita hotu hein governu sentral”. Dehan Sekretario Administrasaun Finansas ba Jornalusta RCLM Iha seriminia distribuisaun ba vitima sira iha Munisipiu Baucau tersa, 10/06/2026
Entertantu Komandate PNTL Munisipiu Baucau Superintendente Xefe João Sancho Pires hateten, husu ba vitima dezastre sira atu konstrui fali uma sira ne’ebe hetan ona estragus, labele faan fila fali material sira ne’e hetan konsidera krime.
“Informa hela inan aman sira ne’ebe simu sasan atu utuliza para halo uma, se sasan ne’ebe mak ita boot sira simu mak faan ne’e hamosu ona krime, tamba ne’e Autoridade suku sira tenke kontrola”. Hateten João
Vitima dezastre naturais hamutuk 185 husi Munisipiu Baucau ne’ebe mak simu material rekoperasaun hanesan Osan hamutuk U$ 128.150, kalen, sementi, besi, no seluk tan ne’ebe husi Sekretariu Estadu Protesaun Sivil.
